Osy jyldyń sońyna deiin 755 aýyl ákimi sailanady. Bul týraly QR Ortalyq sailaý komissiiasy tóraǵasynyń orynbasary Konstantin Petrov aitty, dep habarlaidy "Ult aqparat".
«Ózderińizde biletindei, Prezident Qasym-Jomart Toqaev «Jańa jaǵdaidaǵy Qazaqstan: is-qimyl kezeńi» atty el halqyna Joldaýynda aýyl ákimderin tikelei sailaýǵa kóshý týraly tapsyra bergen bolatyn. Osy jyldyń 24 mamyrynda aýyldyq deńgeidegi ákimderdi tikelei sailaý máseleleri jónindegi zańǵa qol qoiyldy. Bul bastama jergilikti ózin ózibasqarý institýttaryn jappai engizý tájiribesi arqyly memlekettik basqarýdy ortalyqsyzdandyrýǵa qatysty negizgi saiasi reformalar toptamasyn birtindep júzege asyrýǵa baǵyttalǵan», - dedi ol OSK otyrysy barysynda.
Konstantin Petrovtyń dereginshe, elimizde 2 346 aýyl ákimi bar. Olar jańa norma engizilgennen keiin ókilettik merzimderi aiaqtalǵan soń tikelei daýys berý arqyly sailanatyn bolady.
«Osy jyldyń sońyna deiin atalǵan sanatqa kiretin shamamen 775 ákimdi sailaý josparlanyp otyr. Osylaisha, azamattardyń tikelei sailaý arqyly memlekettik basqarýǵa qatysýyn keńeitý printsipi birtindep júzege asyrylady. Tikelei sailaý arqyly aýyldyq aýmaqtardy basqarýdyń tiimdi tetikterin qalyptastyrý protsesine shamamen azamattardyń 40 paiyzy tartylady», - dedi tóraǵa orynbasary.
