Ekstrakorporaldy uryqtandyrýǵa jyl saiyn 7 myń kvota bólinedi. Bul týraly halyq aldynda esep berý kezdesýinde QR Densaýlyq saqtaý ministri Aleksei Tsoi málim etti, dep habarlaidy "Ult aqparat".
«Biz úshin eń basym baǵyttardyń biri ana men balany qorǵaý bolyp qala beredi. Statistikalyq derekter boiynsha 2021 jylǵy 1 qańtardaǵy jaǵdai boiynsha elimizde bala týatyn jastaǵy 4 mln 645 myń áiel ómir súrip jatyr, bul 2019 jyldyń uqsas kezeńiniń kórsetkishterinen 26 myńǵa artyq. Júkti áielderdiń sany 436 myńǵa jýyq boldy, olardyń sany 2020 jyly 2019 jylmen salystyrǵanda 21 myńǵa artty. Sonymen qatar, 2020 jyly bosaný sany ótken jylmen salystyrǵanda 22 myńǵa artty», - dedi ministr Ortalyq kommýnikatsiialar qyzmetinde.
Onyń aitýynsha, ótken jyly tiri týǵan balalar sany 427 myńnan astam adamdy qurady, bul 2019 jylmen salystyrǵanda 24 myńǵa artyq.
«Memleket basshysynyń 2020 jylǵy 1 qyrkúiektegi Qazaqstan halqyna Joldaýynda bergen tapsyrmalaryn iske asyrý aiasynda biz ekstrakorporaldyq uryqtandyrýǵa kvotalar sanyn 2020 jylǵy 1 105-ten 2021 jyly 7 myńǵa deiin ulǵaittyq. Jyl saiyn halyqqa 7 myń kvota beriletinin aita ketý kerek. Respýblikanyń 8 qalasynda qazirgi ýaqytta qosalqy reprodýktivtik tehnologiialar qyzmetin oryndaityn 27 klinika jumys isteidi, olardyń 19-y MÁMS aiasynda qyzmet kórsetedi», - dedi A. Tsoi.
