Aldaǵy 5 jylda agrarlyq-ónerkásiptik keshenniń 380 jańa investitsiialyq jobasyn iske asyrý josparlanýda. Bul týraly Ortalyq kommýnikatsiialar qyzmetinde ótken brifingte aityldy, dep habarlaidy QazAqparat.
«Onyń 65%-dan astamy - aýyl sharýashylyǵy ónimderiniń importyn almastyrýǵa baǵyttalǵan jobalar. Qalǵany AÓK eksporttyq áleýetin arttyrý mindetine jaýap beredi. Olar - jańa bordaqylaý alańdary, reprodýktorlar, jylyjailar jáne basqalar», - deidi QR AShM strategiialyq josparlaý jáne taldaý departamentiniń direktory Sáýle Moldabaeva.
Onyń aitýynsha, jyl saiyn orta eseppen 80-ge jýyq jobany iske qosý josparlanǵan.
«AÓK-degi jańa investitsiialyq jobalar da Memleket basshysynyń dándi jáne maily daqyldardy, jemis pen kókónisterdi, qantty, et pen sútti óndirý jáne qaita óńdeý jónindegi 7 iri ekojúieni qurý jónindegi tapsyrmasyn oryndaýdyń ajyramas bóligi bolady. Mysaly, ósimdik sharýashylyǵynda «BioOperations» JShS zákirli kásipornymen Soltústik Qazaqstan oblysynda astyq óndirý jáne qaita óńdeý boiynsha ekojúie qurylady. Kooperatsiia qaǵidaty boiynsha ekojúie astyqty tereń óńdeý zaýytyn, qurama jem zaýytyn, qus sharýashylyǵy keshenin, taýarly sút fermasyn jáne osy kásiporyndardy aýyl sharýashylyǵy shikizatymen qamtamasyz etetin óndirýshilerdi biriktiredi», - deidi ol.
