QR Eńbek jáne halyqty áleýmettik qorǵaý ministri Svetlana Jaqypova Qostanai oblysyna jumys sapary aiasynda ónerkásip kásiporyndarynyń qyzmetkerlerimen kezdesý ótkizdi, dep habarlaidy "Ult aqparat".
Eńbekmininiń basshysy eńbek ujymdarymen óndiristegi eńbek qaýipsizdigi men eńbekti qorǵaýdy qamtamasyz etý máselelerin talqylady jáne ziiandy eńbek jaǵdailarynda uzaq ýaqyt jumys isteitin azamattarǵa 55 jastan bastap zeinetkerlik jasqa tolǵanǵa deiin arnaiy áleýmettik tólem taǵaiyndaýdyń negizgi tásilderi týraly aitty. Ministr arnaiy tólem alýǵa quqyly jumyskerler sany jyl saiyn arta túsetinin atap ótti.
Kezdesý Rýdnyi qalasynda, «Gorniak» mádeni-oiyn-saýyq ortalyǵynda ótti. Is-sharaǵa QR Eńbekmini Eńbek jáne áleýmettik qorǵaý komitetiniń tóraǵasy – Qazaqstannyń Bas memlekettik eńbek inspektory Tólegen Ospanqulov, jergilikti atqarýshy organdardyń, kásipodaq uiymdarynyń ókilderi, «Sokolov-Sarybai taý-ken baiytý óndiristik birlestigi» AQ, «Qazaqstan aliýminiii» Krasnooktiabr boksit ken basqarmasy» AQ, «Qostanai mineraldary» AQ, «Agromashholding» AQ, «Varvarinskoe» AQ, «Órken» JShS, «SaryarqaAvtoProm» JShS, «Komarov taý-ken kásiporny» JShS qyzmetkerleri, jalpy 200-ge jýyq adam qatysty.
Svetlana Jaqypova óz sózinde bul kezdesý Memleket basshysynyń 2023 jylǵy 1 qyrkúiektegi Qazaqstan halqyna Joldaýynda aitylǵan tapsyrmalaryn iske asyrý boiynsha júrgizilgen jumystardy túsindirý úshin ótkizilip jatqanyn atap ótti. Osylaisha, óndiristik jaraqattaný deńgeiin tómendetý maqsatynda 2030 jylǵa deiingi qaýipsiz eńbek tujyrymdamasynyń jobasy ázirlendi.
«Atap aitqanda, jumys ornynda kásiptik táýekelderdi baǵalaýdyń jańa modelin engizý, kásiptik táýekel dárejesi boiynsha saqtandyrý tarifin saralaý, Kásiporyndardyń tsifrlyq kartasyn qurý jáne eńbekti qorǵaý salasynda memlekettik baqylaý men monitoringtiń proaktivti formatyn engizý jáne t.b. usynylady», – dedi ministr.
Ziiandy eńbek jaǵdailarynda jumys isteitin adamdardy áleýmettik qorǵaý deńgeiin arttyrý úshin Ministrlik múddeli memlekettik organdarmen jáne áleýmettik áriptestermen birlesip arnaiy áleýmettik tólemdi engizýdi kózdeitin zańnamaǵa túzetýler toptamasyn ázirledi. Tiisti zań jobasyn QR Parlamenti Májilisi qabyldady.
«Arnaiy áleýmettik tólemderdi taǵaiyndaýdyń mindetti sharttary mynadai: 55 jasqa tolý jáne sońǵy 7 jylda BJZQ-ǵa kásiptik zeinetaqy aýdarymdarynyń bolýy.
Arnaiy áleýmettik tólem birneshe komponentten turady jáne tórt qarajat kózinen júzege asyrylady: respýblikalyq biýdjetten 2 eń tómen kúnkóris deńgeii mólsherinde arnaiy kásiptik járdemaqy; ómirdi saqtandyrý jónindegi kompaniialardan 1 eń tómen kúnkóris deńgeii mólsherinde; jumys berýshilerdiń qarajaty esebinen 1 eń tómen kúnkóris deńgeii mólsherinde, BJZQ-dan mindetti kásiptik zeinetaqy jarnalary esebinen. Budan basqa, jumyskerlerge BJZQ-daǵy zeinetaqy jinaqtaryn eskere otyryp, mindetti zeinetaqy jarnalary esebinen tólemder alý quqyǵy beriledi», – dedi Svetlana Jaqypova.
Ministr tólem zeinetkerlik jasqa deiin tólenetinin atap ótti. Arnaiy tólemderdi alý úshin eńbek jaǵdailary ziiandy jumystarmen ainalyspaýǵa tiis.
«Jumyskerler jeńil jumysqa aýysa alady, sodan keiin olar jalaqy men tólem alady nemese demalysqa shyǵyp, zeinetke shyqqanǵa deiin arnaiy tólemder alady.
Biryńǵai jinaqtaýshy zeinetaqy qorynyń derekteri boiynsha arnaiy tólemdi taǵaiyndaý úshin mindetti sharttardy eskere otyryp, oǵan 2024 jyly 37 myńnan astam jumysker, 2025 jyly – 42 myńnan astam, 2026 jyly – 47 myńnan astam jumysker úmitker bola alady. Osylaisha, áleýetti tólem alýshylar sany jyl saiyn ulǵaiady», – dep túsindirdi Eńbekmininiń basshysy.
Arnaiy áleýmettik tólem ekonomikanyń 19 salasynda, onyń ishinde taý-ken óndirý men óńdeý ónerkásibinde jáne basqalarynda jumys isteitin qazaqstandyqtarǵa tiesili ekenin aita ketý kerek.
Sondai-aq, zańnamalyq túzetýler boiynsha jumyskerdi eńbek mindetterin oryndaý kezinde jazataiym oqiǵalardan mindetti saqtandyrý júiesin jetildirý kózdeledi, atap aitqanda:
- ómirdi saqtandyrý kompaniialarynyń aldyn alý sharalaryna jumsaǵan shyǵystaryn tólengen saqtandyrý syilyqaqysynyń 6 %-na deiin óteýi;
- ómirdi saqtandyrý kompaniialarynyń ońaltý sharalaryna jumsaǵan shyǵystaryn tólengen saqtandyrý syilyqaqysynyń 6%-na deiin óteýi;
- ómirdi saqtandyrý kompaniialarynyń zardap shekken jumyskerdi sanatorii-kýrorttyq emdelýin 100 ailyq eseptik kórsetkishke deiingi mólsherde tóleýi;
- jazataiym oqiǵa nátijesinde keltirilgen ziiandy óteý (saqtandyrý tólemi) mólsherin aiqyndaý kezinde jumyskerdiń kinásin boldyrmaý.
Kezdesý barysynda Svetlana Jaqypova Qostanai oblysynyń kásiporyndary qyzmetkerleriniń suraqtaryna egjei-tegjeili jaýap berip, BAQ-qa suhbat berdi, sondai-aq azamattardy jeke qabyldady.
Sonymen qatar jumys sapary kezinde ministr «Sokolov-Sarybai taý-ken baiytý óndiristik birlestigi» AQ oqý ortalyǵy men Sokolov shahtasyna bardy.
