QR Investitsiialar jáne damý ministrliginiń Qurylys jáne turǵyn úi-kommýnaldyq sharýashylyq isteri komitetiniń tóraǵasy Marhabat Jaiymbetov "Nurly jer" baǵdarlamasy boiynsha 10 jylda 1,5 million baspana salý kerektigin málimdedi, - dep habarlaidy "Ult aqparat" abctv.kz telearnasyna silteme jasap.
Aldaǵy 15 jylda satyp alynbaityn jalǵa beriletin baspana salýǵa jyl saiyn 25 million teńge bólinip otyrady. Mundai baspana quny sharshy metrine 100 teńge bolady. Mundai jeńildik qarastyrylǵan baspanalar áleýmettik álsiz toptaǵy adamdarǵa beriledi.
Ekinshi baǵyt "Turǵyn úi qurylys jinaq banki" AQ júiesi arqyly kredittik baspanamen qamtý, sonyń ishinde, dárigerler, memlekettik qyzmetkerler men áskerilerdi. Mundai kreditterdiń ósimi 4-5 paiyz ǵana bolady.
Mundai baspanalar quny aimaqtarda sharshy metrine 140 myń teńge bolady. Astana, Almaty jáne Aqtaýda baspana quny sharshy metrine 180 myń teńge bolady. Mundai baspanaǵa ie bolý úshin 30 paiyz alǵashqy jarnańyz bolýy kerek.
"Turǵyn úi qurylys jinaq banki" salymshylaryna Almaty men Astanada tirkeýde bolý merzimi eki jyl, al kezekte turǵandarǵa úsh jyl. Sońǵy bes jylda baspanasy bolmaǵan adamdar osyndai páterge ie bola alady", - deidi Jaiymbetov.
Úshinshi baǵyt ipoteka bolady. Úkimet 10 paiyzdan asqanyna sýbsidiia bóledi. Ekinshi deńgeili bankter Ulttyq banktiń negizigi mólsherlemesi boiynsha kredit beredi. Sonymen 16-17 paiyzdai shyǵady. 7 paiyzǵa deiin ipoteka alýshylarǵa memleket sýbsidiia bóledi. Mundaǵy shart Astana men Almatydaǵy baspana baǵasy 20 millionnan, al aimaqtarda 15 millionnan aspaýy kerek.
Kelesi baǵyt - qurylysshylarǵa kredit berý. Munda bekitilgen baǵa Astana men Almatyda sharshy metirine 260 myń, aimaqtarda - 220 myń teńge bolady.
Besinshi jáne negizgi baǵyt - jeke baspana qurylysy. Memleket jeke qurylys júrgizetin aýdandardyń infraqurylymyn jasaidy, buǵan jyl saiyn 40 milliard teńge bólinedi.
"Jyl saiyn 40 myń jer telimin berýdi josparlap otyrmyz, 15 jylda 600 myń jer telimi beriledi. Kezekte turǵandar 10 sotyqtan alady. Sharshy metirine 120 myń teńgeden kottedj qalashyqtary salynady, oblys ortalyqtary aýylǵa uqsap ketpes úshin", - deidi Marhabat Jaiymbetov.
