Biz qarjylyq baǵytta kómek kórsetý arqyly ýniversitettiń infraqurylymyn kúsheitip aldyq. Bul týraly Ortalyq kommýnikatsiialar qyzmetinde ótken onlain brifingte L.N.Gýmilev atyndaǵy Eýraziia ulttyq ýniversitetiniń rektory Erlan Sydyqov aitty, dep habarlaidy QazAqparat.
«Biyl stýdentterdiń sessiiasyna ne sebepti munshama kóńil bólingendigin aityp óteiin. Bul sessiia pandemiia kezinde ótken jalǵy sessiiadan keiin ótip otyrǵan sessiia. Jylyna eki ret ótetin sessiia stýdenttiń bilimin baǵalaý ǵana emes, bul – ýniversitet qyzmetin baǵalaýǵa da uqsaidy. Sessiia kezinde ýniversitettiń infraqurylymy qalai, oqytýshylardyń biliktiligi qalai – osylardyń bárine qarap bolashaq baǵyt anyqtalady», - deidi L.N.Gýmilev atyndaǵy Eýraziia ulttyq ýniversitetiniń rektory Erlan Sydyqov.
Onyń aitýynsha, koronavirýs indeti aiaq asty kelgenimen, QR Bilim jáne ǵylym ministrligi jaǵdaidy birden qolǵa ala bildi.
«QR Bilim jáne ǵylym ministrliginiń joǵary oqý orynlarymen tikelei bailanysta bolyp, aqyldasqany sebepti qashyqtan oqýǵa kóshý barysynda qiyndyqtar bolǵan joq dese bolady. Sonyń arqasynda jazǵy sessiia da, UBT da yń-shańsyz ótti. Qysqy sessiiaǵa daiyndyq qarjylyq, materialdyq qoldaýdy da qajet etedi. Biz qarjylyq baǵytta kómek kórsetý arqyly ýniversitettiń infraqurylymyn kúsheitip aldyq. Jaǵdai jasalýynyń arqasynda jyl boiy 150 stýdent jataqhanada jatyp bilim aldy», - deidi ol.
