Biryńǵai jinaqtaýshy zeinetaqy qorynyń zeinetaqy aktivteri biylǵy shildede 42 mlrd teńgege artty. Bul týraly Úkimet otyrysynda biylǵy jeti aidaǵy áleýmettik-ekonomikalyq damýdy talqylaý kezinde Ulttyq bank tóraǵasy Erbolat Dosaev aitty, dep habarlaidy QazAqparat.
«Biryńǵai jinaqtaýshy zeinetaqy qorynyń zeinetaqy aktivteri biylǵy shildede 42 mlrd teńgege nemese 12,8 trln teńgege deiin 0,3 paiyzǵa ulǵaidy. Azamattardyń zeinetaqy jinaqtarynyń bir bóligin alý qarqyny 5,3 ese baiaýlady. Biylǵy jylǵy 31 shildede azamattardyń oryndalǵan ótinimderiniń sany 1 685 mlrd teńge somasyna 403 myń ótinimdi qurady, onyń 98,2%-y turǵyn úi jaǵdailaryn jaqsartýǵa baǵyttaldy», - dedi E. Dosaev.
Onyń aitýynsha, biylǵy jyldyń basynan beri zeinetaqy jarnalarynyń investitsiialyq tabysy 821 mlrd teńgeni qurady. Nátijesinde, infliatsiia 5,3% kezinde 6,5%, 12 aida infliatsiia 8,4% kezinde 10,6% deńgeiindegi kiristilik qamtamasyz etildi.
