بٸرىڭعاي جيناقتاۋشى زەينەتاقى قورىنىڭ زەينەتاقى اكتيۆتەرٸ بيىلعى شٸلدەدە 42 ملرد تەڭگەگە ارتتى. بۇل تۋرالى ٷكٸمەت وتىرىسىندا بيىلعى جەتٸ ايداعى ەلەۋمەتتٸك-ەكونوميكالىق دامۋدى تالقىلاۋ كەزٸندە ۇلتتىق بانك تٶراعاسى ەربولات دوساەۆ ايتتى, دەپ حابارلايدى قازاقپارات.
«بٸرىڭعاي جيناقتاۋشى زەينەتاقى قورىنىڭ زەينەتاقى اكتيۆتەرٸ بيىلعى شٸلدەدە 42 ملرد تەڭگەگە نەمەسە 12,8 ترلن تەڭگەگە دەيٸن 0,3 پايىزعا ۇلعايدى. ازاماتتاردىڭ زەينەتاقى جيناقتارىنىڭ بٸر بٶلٸگٸن الۋ قارقىنى 5,3 ەسە باياۋلادى. بيىلعى جىلعى 31 شٸلدەدە ازاماتتاردىڭ ورىندالعان ٶتٸنٸمدەرٸنٸڭ سانى 1 685 ملرد تەڭگە سوماسىنا 403 مىڭ ٶتٸنٸمدٸ قۇرادى, ونىڭ 98,2%-ى تۇرعىن ٷي جاعدايلارىن جاقسارتۋعا باعىتتالدى», - دەدٸ ە. دوساەۆ.
ونىڭ ايتۋىنشا, بيىلعى جىلدىڭ باسىنان بەرٸ زەينەتاقى جارنالارىنىڭ ينۆەستيتسييالىق تابىسى 821 ملرد تەڭگەنٸ قۇرادى. نەتيجەسٸندە, ينفلياتسييا 5,3% كەزٸندە 6,5%, 12 ايدا ينفلياتسييا 8,4% كەزٸندە 10,6% دەڭگەيٸندەگٸ كٸرٸستٸلٸك قامتاماسىز ەتٸلدٸ.
