Foto: Gov.kz.
Túrkistan qalasynda jyl basynan beri 6064 azamat turaqty jumyspen qamtyldy. Bul jaiynda qalalyq «Mansap ortalyǵynyń» Jumys izdeýshilerdi qoldaý bóliminiń basshysy Ýalihan Tineibaiuly tikelei efirde baiandady, dep habarlaidy «Ult aqparat».
Ortalyqtyń instagram jáne facebook paraqshalarynda ótken tikelei efirde jyl basynan bergi kórsetkishter aityldy. Sondai-aq turǵyndardyń kókeikesti saýaldary talqylanyp, tushymdy jaýap berildi.
Baiandamaǵa súiensek, biyl qalada sýbsidiialanǵan jumys oryndary 2543-ti quraǵan.
Qoǵamdyq jumysqa 1308 adam, alǵashqy jumys ornyna 135 azamat, áleýmettik jumys ornyna 144 maman joldanǵan. Al «Jastar praktikasymen» 780 azamat jumysqa ornalassa, «Kúmis jas» jobasy arqyly 176 azamatqa kómek kórsetilgen.
Odan bólek, ulttyq joba sheńberinde 35 joba, 478 jańa jumys orny qurylǵan. Onyń 30 jobasy iske asyrylyp, búginde 426 turǵyndy jumyspen qamtyp otyr.
Sondai-aq erekshe qajettiligi bar azamattardy da jumyspen qamtý sharalary júieli júzege asýda. Atap aitqanda, biyl erekshe qajettiligi bar 20 azamat kvotamen jumysqa turdy. Probatsiia qyzmetinde esepte turǵan azamattar da qoldaý alyp, 15-i jumyspen qamtylyp úlgerdi.
Joǵaryda aitylǵan jumystardyń nátijesi boiynsha shaharda jumyssyzdyq deńgeii biyl 4,9%-dy qurap otyr.
