Biylǵy jyl basynan beri elimizde poiyzdardyń 2400-den astam jedel tejelý faktisi tirkeldi, dep habarlaidy QR IIM Kóliktegi politsiia departamentiniń baspasóz qyzmeti.
Baspasóz qyzmeti tartaqan málimetterge qaraǵanda, jyl basynan beri elimizde poiyzdardyń 2429-y shuǵyl toqtaýy qajet bolǵan. Temirjol tóseminiń belgilenbegen jerlerinen kesip ótken 1011 adam ákimshilik jaýapqa tartyldy, onyń ishinde adamdardyń bolý sebebinen - 622, janýarlarǵa bailanysty - 1704, avtokólikterge bailanysty - 23, toqtatý kranyn julyp alý boiynsha - 80.
Máselen, Petropavlsk stantsiiasynda júk poezynyń mashinisti adamdy qaǵyp ketpeý úshin shuǵyl tejegishti qoldandy. Nátijesinde, oqys oqiǵanyń aldy alyndy.
Tekserý barysynda, kólik politsiiasy qyzmetkerleri Petropavl qalasynyń 50 jastaǵy turǵynyn ustady. Atalǵan azamat QR ÁQBtK-niń 559-babynyń 5-bóliginde kózdelgen quqyq buzýshylyqty jasaǵany úshin kináli dep tanylyp, oǵan 7575 teńge kóleminde 3 AEK kóleminde aiyppul salyndy.
Aǵymdaǵy jyldyń basynan beri Departament boiynsha 2429 shuǵyl tejeý faktisi tirkelip, 1011 adam ákimshilik jaýapqa tartyldy.
Kóliktegi politsiia departamentiniń baspasóz hatshysy Lázzat Qasymjanova «Jazataiym oqiǵalardyń aldyn alý, jolyn kesý maqsatynda kólik politsiiasy qyzmetkerleri halyqqa temir jol nysandaryndaǵy tártip erejelerin túsindirip, túrli aldyn alý sharalaryn ótkizip turady» - dep, atap ótti.
Onyń aitýynsha «Temir jol – qaýipi joǵary aimaq!» taqyryby aiasynda 3160 birlesken aldyn alý is-sharalary júrgizilgen. Onyń ishinde halyqpen jiyn - 712, jolaýshylar poezdaryndaǵy kezdesý - 945.
