Foto: © Sputnik / Abzal Kaliev
Sybailas jemqorlyqqa qarsy qyzmet 10 aidaǵy jumys nátijelerin bólisti, dep habarlaidy "Ult aqparat".
Antikor málimetinshe, esepti kezeńde elimizde 1500-ge jýyq jemqorlyq qylmys tirkelgen jáne 1100-den astam adam áshkerelengen, onyń 158-i - ártúrli deńgeidegi basshylar.
"Sotqa 1 myńnan astam is jiberildi, olar boiynsha 282 mlrd teńge zalal óteldi.
2021 jyldan bastap biýdjetke jáne kvazimemlekettik sektor sýbektilerine shamamen 857 mlrd teńge somaǵa múliktik aktivter men aqshalai qarajatty qaitarý qamtamasyz etildi. Onyń ishinde 159,8 mlrd teńgesi - sheteldik iýrisdiktsiialardan túsken aqsha qarajaty túrinde. Bul soma memleket biýdjetine tústi.
Máselen, Avstriiadan - 36,8 mlrd teńge, Lihtenshteinnen - 116,7 mlrd teńge, Birikken Arab Ámirlikterinen - 6,3 mlrd teńge, Túrkiiadan 253 mln teńge qaitaryldy", - delingen habarlamada.
Vedomstvo málimetinshe, zańsyz satyp alynǵan aktivterdi qaitarý boiynsha jumys jalǵasyp jatyr. Bul rette Sybailas jemqorlyqqa qarsy qyzmet jergilikti atqarýshy organdarda tirkelgen jemqorlyq qylmystarǵa erekshe nazar aýdarady.
"Jyl basynan beri óńirlerde barlyǵy 215 laýazymdy tulǵa áshkerelendi, onyń 137-si - basshylar.
Jemqorlyqqa ushyraǵan memlekettik qyzmetshilerdiń eń kóp sany Almaty, Shymkent qalalary men Almaty, Shyǵys Qazaqstan, Túrkistan, Aqmola, Abai jáne Jetisý oblystaryna tiesili.
Agenttik qyzmetindegi basym baǵyt preventsiia jumysy bolyp tabylady.
Esepti kezeńde ártúrli salalarda sybailas jemqorlyq táýekelderine 180-ge jýyq taldaý jáne monitoring júrgizildi. Olardy joiý boiynsha 1 500-den astam usynys engizildi. Memlekettik satyp alý portalynyń monitoringi barysynda Antikor 38 mlrd teńgeden astam shyǵyndardyń aldyn aldy.
Elimizdiń oblystarynda sybailas jemqorlyq táýekelderiniń kartasyn iske asyrý sheńberinde jalpy biýdjeti 2,44 trln teńgeni quraityn 156 áleýmettik nysan belgilendi. Olardy jymqyrýǵa jol bermeý maqsatynda qurylys barysyna monitoring júrgiziledi. Bul protseske jurtshylyq ta qosylǵan. Jalpy, halyqtyń jemqorlyqqa qarsy belsendiligi artyp keledi", - deidi Antikor baspasóz qyzmeti.
Vedomstvo deregi boiynsha, biyl tamyz aiynda iske qosylǵan «Sybailas jemqorlyqqa qarsy volonterlik» jobasyna 2 myń bei-jai qaramaityn qazaqstandyq qatysyp jatyr.
"Sondai-aq, «Biznes jol» jobasyn iske asyrý jalǵasýda. Ol kásipkerliktiń damýyna kedergi keltiretin ákimshilik kedergilerdi joiýǵa baǵyttalǵan.
Iske qosylǵan sátten bastap 24 myń biznes sýbektisine kómek kórsetildi, 550-den astam problemalyq keis sheshildi.
Sybailas jemqorlyq kórinisteriniń alǵysharttaryn, ásirese áleýmettik mańyzy bar salalarda joiý jónindegi jumys jalǵasady", - delingen habarlamada.
