Foto: camonitor.kz
2023 jyldyń basynan beri alty myńnan astam etnikalyq qazaq qandas mártebesin aldy, - dep habarlaidy "Ult aqparat" Eńbek jáne halyqty áleýmettik qorǵaý ministrligine silteme jasap.
"2023 jyldyń 1 mamyryndaǵy jaǵdai boiynsha 6144 etnikalyq qazaq tarihi otanyna oralyp, qandas mártebesin aldy. Jalpy 1991 jyldan beri respýblikaǵa 1 million 112,6 myń etnikalyq qazaq oraldy.
Jyl basynan beri Qazaqstanǵa kelgen qandastardyń jartysynan astamy (53,9 paiyzy) Ózbekstannan, 19,1 paiyzy - Qytaidan, 12,1 paiyzy - Reseiden, 5,6 paiyzy - Túrikmenstannan, 5,7 paiyzy - Mońǵoliiadan jáne 1 paiyzy basqa elderden kelgender", - delingen vedomstvo habarlamasynda.
Kelgen etnikalyq qazaqtar negizinen Almaty (27,2 paiyz), Mańǵystaý (13,8 paiyz), Túrkistan (6,4 paiyz), Jambyl (5,1 paiyz) oblystaryna, sondai-aq Astana (11 paiyz), Almaty (8,8 paiyz), Shymkent (7,1 paiyz) qalalaryna qonystanǵan.
Biylǵy 1 mamyrdaǵy jaǵdai boiynsha eńbekke jaramdy jastaǵy etnikalyq kóship-qonýshylardyń sany 68,8 paiyzdy qurasa, 22,9 paiyzy - eńbekke jaramdy jastan kishi adamdar, 8,3 paiyzy - zeinetkerler.
Eńbekke qabiletti jastaǵy qandastardyń ishinen bilim deńgeii boiynsha 18%-y joǵary bilimdi, 38,6%-y orta kásibi bilimdi, 37,4%-y jalpy orta bilimdi jáne 5,9%-nyń bilimi joq.
