جىل باسىنان بەرٸ قانشا ەتنيكالىق قازاق قانداس مەرتەبەسٸن الدى?

فوتو: camonitor.kz

2023 جىلدىڭ باسىنان بەرٸ التى مىڭنان استام ەتنيكالىق قازاق قانداس مەرتەبەسٸن الدى, - دەپ حابارلايدى "ۇلت اقپارات" ەڭبەك جەنە حالىقتى ەلەۋمەتتٸك قورعاۋ مينيسترلٸگٸنە سٸلتەمە جاساپ.

"2023 جىلدىڭ 1 مامىرىنداعى جاعداي بويىنشا 6144 ەتنيكالىق قازاق تاريحي وتانىنا ورالىپ, قانداس مەرتەبەسٸن الدى. جالپى 1991 جىلدان بەرٸ رەسپۋبليكاعا 1 ميلليون 112,6 مىڭ ەتنيكالىق قازاق ورالدى.

جىل باسىنان بەرٸ قازاقستانعا كەلگەن قانداستاردىڭ جارتىسىنان استامى (53,9 پايىزى) ٶزبەكستاننان, 19,1 پايىزى - قىتايدان, 12,1 پايىزى - رەسەيدەن, 5,6 پايىزى - تٷرٸكمەنستاننان, 5,7 پايىزى - موڭعولييادان جەنە 1 پايىزى باسقا ەلدەردەن كەلگەندەر", - دەلٸنگەن ۆەدومستۆو حابارلاماسىندا.

كەلگەن ەتنيكالىق قازاقتار نەگٸزٸنەن الماتى (27,2 پايىز), ماڭعىستاۋ (13,8 پايىز), تٷركٸستان (6,4 پايىز), جامبىل (5,1 پايىز) وبلىستارىنا, سونداي-اق استانا (11 پايىز), الماتى (8,8 پايىز), شىمكەنت (7,1 پايىز) قالالارىنا قونىستانعان.

بيىلعى 1 مامىرداعى جاعداي بويىنشا ەڭبەككە جارامدى جاستاعى ەتنيكالىق كٶشٸپ-قونۋشىلاردىڭ سانى 68,8 پايىزدى قۇراسا, 22,9 پايىزى - ەڭبەككە جارامدى جاستان كٸشٸ ادامدار, 8,3 پايىزى - زەينەتكەرلەر.

ەڭبەككە قابٸلەتتٸ جاستاعى قانداستاردىڭ ٸشٸنەن بٸلٸم دەڭگەيٸ بويىنشا 18%-ى جوعارى بٸلٸمدٸ, 38,6%-ى ورتا كەسٸبي بٸلٸمدٸ, 37,4%-ى جالپى ورتا بٸلٸمدٸ جەنە 5,9%-نىڭ بٸلٸمٸ جوق.