Nur-Sultan qalasyndaǵy iKOMEK109 biryńǵai bailanys ortalyǵyna jyl basynan beri 1 mln-nan astam ótinish tústi. Alǵashqy qońyraýdan bastap búginge deiin 844 myń ótinish qaraldy, dep habarlaidy "Ult aqparat" qalalyq monitoring jáne jedel áreket etý ortalyǵyna silteme jasap.
«2018 jyly millionnan astam ótinish kelip tússe, 2019 jyly ótinishter sany 1,6 millionǵa jetti. Al 2020 jyldyń tolyq emes bes aiyndaǵy kórsetkish millionǵa jetip otyr. Iaǵni, bul iKOMEK-tiń tek yńǵaily servis ǵana emes, ol arqyly adamdar ákimdikke nemese kommýnaldyq uiymdarǵa habarlasa alatynyn kórsetedi. Sondai-aq azamattardyń sany da artyp otyr», - deidi iKOMEK qalalyq ortalyǵynyń jetekshisi Jannat Dúbirova.
Ótken jyly elordalyq 575 myńnan astam turǵyn iKomek qyzmetin paidalandy. Qala turǵyndarymen salystyrsaq (1,078 mln), bul - joǵary kórsetkish.
«Bul – qala turǵyndary elordamyzdyń damýyna nemquraily qaramaidy degen sóz», - deidi Jannat Dúbirova.
Turǵyndar ózine yńǵaily tásilmen iaǵni, telegram bot, ákimdik saity nemese mobildi qosymsha arqyly bailanys ornata alady.
Árbir ótinish avtomatty túrde tirkelip, jaýapty uiymdarǵa oryndaýǵa jiberiledi. iKOMEK qalalyq ortalyǵynyń mamandary ótinishtiń oryndalý barysyn baqylaýda ustaidy.
