QR IIM Tótenshe jaǵdailar komitetiniń azamattyq qorǵaý salasyndaǵy zilzalalar qaýip-qaterin azaitý jáne baqylaý basqarmasynyń basshysy Oral Abdrahmanov biyl elimizde balalardyń terezeden qulaýynyń 21 deregi tirkelgenin aitty, dep habarlaidy QazAqparat tilshisi.
«Balalardyń terezeden qulaýy ózekti máselelerdiń biri bolyp otyr. Ókinishke qarai, biylǵy 5 aida balalardyń terezeden qulaýynyń 21 oqiǵasy tirkeldi. Osyǵan bailanysty komitet tarapynan memlekettik standarttarǵa tiisti ózgerister engizildi», - dedi O. Abdrahmanov onlain baspasóz máslihatynda.
Onyń paiymynsha, qabyldanǵan sharalar jazataiym oqiǵalardyń aldyn alýǵa múmkindik jasaidy.
Osy oraida basqarma basshysy balalardyń jaraqattanýy men terezeden qulaýyna jol bermes úshin memlekettik standartqa tereze bloktaryndaǵy qaýipsizdik qulyptaryn tolyqtyrý týraly talap kózdelgenin nazarǵa ala otyryp, tiisti usynystar joldanǵanyn jetkizdi.
