Qazaqstanda 2019 jyldyń basynan beri 4,6 mln sharshy metr turǵyn úi salyndy, dep habarlaidy QR indýstriia jáne infraqurylymdyq damý ministrliginiń baspasóz qyzmeti.
Respýblika boiynsha barlyǵy 40 546 turǵyn úi tapsyryldy. Turǵyn úidi iske qosý kóleminiń ósýi ótken jylmen salystyrǵanda respýblikanyń 15 óńirinde jalǵasýda. Bul týraly Úkimet otyrysynda Indýstriia jáne infraqurylymdyq damý ministri Roman Skliar málimdedi.
Turǵyn úidi paidalanýǵa berý boiynsha kóshbasshy - Túrkistan (132,0%), Pavlodar (127,2%), Almaty (123,2%), Qyzylorda (122,4%), Aqmola (116,9%), Jambyl (114,9%), Atyraý (114,1%), Qaraǵandy (113,9%), Qostanai (105,8%), Aqtóbe (105,5%) oblystary.
«Qurylys boiynsha naqty kólem indeksi qańtar-mamyr ailarynda 108,8% qurady. 15 óńirde oń dinamika baiqalady. Kóshbasshylar: Qaraǵandy (153,7%), Atyraý (129%), Túrkistan (122,5%), BQO (115,5%), Aqtóbe (112,1%), ShQO (110,4%), Qostanai (109,9%), Pavlodar oblystary (107,8%), SQO (107,7%), Almaty q. (105,8%) jáne Shymkent qalasy (105,1%)», - deidi ministr.
Sonymen qatar, QR IIDM basshysy kólik kesheni boiynsha 2019 jyldyń qańtar-mamyr ailarynda naqty kólem indeksi 105,3% quraǵanyn habarlady. Jalpy alǵanda kóliktiń barlyq túrlerimen júk tasymaldaý kóleminiń 3,7%-ǵa ósýi baiqalady. Qazaqstan arqyly konteinerlik tasymaldardyń jalpy kólemi ótken jyldyń osy kezeńimen salystyrǵanda 47%-ǵa ósip, 240 myń JFE qurady (jiyrma fýnttyq ekvivalent - júk KQ syiymdylyǵyn ólsheýdiń shartty birligi - red.).
Kómir men lignit óndirý kólemi 95,8% qurady. Negizgi kómir óndirýshi kásiporyndarda kómir óndirýdiń tómendeýi elektr stantsiialarynyń kómir ónimderin tutynýdyń qysqarýymen bailanysty.
Óńdeý ónerkásibi boiynsha jeńil ónerkásip salasynda +23%, mashina jasaý salasynda +16%, farmatsevtika ónerkásibinde +11,6%, daiyn metall buiymdary boiynsha +9,2%, qurylys materialdary boiynsha +3,4% óskeni baiqalady.
