Elimizde biyl jyl basynan beri avtomobil kóligimen 5,3 mln jolaýshy, 675,3 mln tonna júk tasymaldandy, dep habarlaidy "Ult aqparat".
Indýstriia jáne infraqurylymdyq damý ministrliginiń málimetinshe, jyl basynan beri avtomobil kóligi salasynda respýblika ishinde 5,3 mln jolaýshy, 675,3 mln tonna júk tasymaldandy. Al halyqaralyq qatynasta 2,3 mln tonna júk tasymaldansa, onyń ishinde: eksport – 640 myń tonna, import - 1,7 mln tonna boldy. Sonymen qatar, 380 myń tonna tranzittik júk tasymaldandy.
Qazirgi ýaqytta avtomobil tasymaldary salasynda 3,5 myńdai kásiporyn júk tasymaldaýmen ainalysady. 1 myńdai kásiporyn turaqty avtobýs tasymaldaryn júzege asyrady. Olardyń 17,5 myńnan astam avtokóligi bar.
Qazaqstan Respýblikasynyń Indýstriia jáne infraqurylymdyq damý ministrligi álemde COVID-2019 koronavirýstyq infektsiiasynyń taralýyna jáne elimizde tótenshe jaǵdaidyń engizilýine bailanysty kelesi sharalar qabyldady:
- Qytai, Resei, Qyrǵyzstan, Ózbekstan jáne Mońǵoliiamen 117 turaqty avtobýs baǵyty toqtatyldy;
- halyqaralyq turaqty emes jáne tranzittik jolaýshylar tasymalyna tyiym salynady;
- karantin engizilgen óńirlerge/óńirlerden jolaýshylardy oblysaralyq jáne qalaaralyq tasymaldaý toqtatyldy;
- karantin engizilgen aimaqtarda avtovokzaldar men avtostantsiialardyń jumysy toqtatyldy;
- oblystardyń, Nur-Sultan, Almaty jáne Shymkent qalalary ákimdikterine tótenshe jaǵdai rejimi kezeńinde óńirlerde avtokólikpen jolaýshylar tasymaldaýdy shekteý boiynsha usynymdar joldandy;
- shet memleketterdiń quzyretti kólik organdaryna halyqaralyq qatynasta júkterdi tasymaldaý kezinde sanitarlyq is-sharalardy saqtaý qajettigi týraly usynymdar jiberildi;
- Qytaimen, Reseimen, Qyrǵyzstanmen jáne Ózbekstanmen memlekettik shekara arqyly 20 jeke avtomobil ótkizý pýnkti ýaqytsha jabyldy.
Al halyqaralyq jáne respýblikaishilik qatynasta júk avtokólik quraldarymen júk tasymaldaýǵa shekteýler engizilmegenin aita ketý kerek.
Qazirgi ýaqytta baǵdarlardyń qysqarýyna nemese toqtatylýyna bailanysty qazaqstandyq avtobýs tasymaldaýshylarynyń ahýalyna saraptamalyq baǵalaý júrgizilip, salany qoldaýǵa qatysty usynylatyn sharalar qarastyrylyp jatyr.
