Jyl basynan beri 1508 ekonomikalyq quqyq buzýshylyq anyqtalǵan. Onyń 803-i aýyr jáne asa aýyr qylmystarǵa jatady.
Bul týraly QR Prezidentiniń baspasóz hatshysy Berik Ýáli Facebook paraqshasynda jazdy, dep habarlady QazAqparat.
Memleket basshysy Qasym-Jomart Toqaevtyń bastamalary qalai iske asyp jatqanynan habar beretin «Aityldy – Oryndaldy» aidarymen beriletin aqparattyń bul jolǵy derekteri «kóleńkeli» ekonomikamen kúreske arnaldy.
Prezident bul máseleni biylǵy Joldaýynda erekshe ataǵan bolatyn.
«Salyq jáne keden salasyn tsifrlandyrý «kóleńkeli ekonomikanyń» kez kelgen kórinisterimen kúresýge aitarlyqtai kómektesedi. Tipi «kóleńkeli ekonomika» sybailas jemqorlyqqa jol ashyp otyrǵany jasyryn emes. Sondyqtan Ekonomikalyq tergeý qyzmetiniń jumysyn negizinen «kóleńkeli ekonomikamen» kúresýge beiimdeýdi tapsyramyn», - degen bolatyn Memleket basshysy.
Berik Ýáli keltirgen derek boiynsha, jyl basynan beri 1508 ekonomikalyq quqyqbuzýshylyq anyqtalǵan. Onyń 803-i aýyr jáne asa aýyr qylmystarǵa jatady.
«36 uiymdasqan qylmystyq toptyń joly kesildi. Onyń ishinde 27 top jalǵan shot-faktýra jasaýmen, qolma-qol aqsha alýmen ainalysqan jáne salyqtan jaltarǵan. «Zań buzý yqtimaldyǵy joǵary tulǵalar reestrine» qolma-qol aqsha berýshi firmalarmen ózara esep aiyrysqan 2,8 myńnan astam zańdy tulǵa engizildi. 1 myńnan astam kompaniianyń banktegi shottary boiynsha qarjy jumsaý operatsiialary ýaqytsha toqtatyldy», - dep jazdy Prezidenttiń baspasóz hatshysy.
Onyń málimeti boiynsha, qarjy piramidalarynyń belgilerin aldyn ala anyqtaý jumystary kúsheitilip otyr.
«Osy rette jalpy mólsheri 4,1 mlrd teńge qarjy salý boiynsha 30 derek anyqtaldy. Salyq jáne kedendik basqarýdy odan ári jetildirýge, qolma-qol aqshasyz tólem jasaýdy damytýǵa, qolaily biznes orta qalyptastyrýǵa baǵyttalǵan jańa Keshendi jospar bekitildi.
Sońǵy 4 jyldyń ishinde elimizdegi «kóleńkeli» ekonomikanyń deńgeii 29 paiyzdan 20 paiyzǵa deiin tómendedi», - dep jazdy Berik Ýáli.
