جىل باسىنان بەرٸ 1508 ەكونوميكالىق قۇقىق بۇزۋشىلىق انىقتالعان. ونىڭ 803-ٸ اۋىر جەنە اسا اۋىر قىلمىستارعا جاتادى.
بۇل تۋرالى قر پرەزيدەنتٸنٸڭ باسپاسٶز حاتشىسى بەرٸك ۋەلي Facebook پاراقشاسىندا جازدى, دەپ حابارلادى قازاقپارات.
مەملەكەت باسشىسى قاسىم-جومارت توقاەۆتىڭ باستامالارى قالاي ٸسكە اسىپ جاتقانىنان حابار بەرەتٸن «ايتىلدى – ورىندالدى» ايدارىمەن بەرٸلەتٸن اقپاراتتىڭ بۇل جولعى دەرەكتەرٸ «كٶلەڭكەلٸ» ەكونوميكامەن كٷرەسكە ارنالدى.
پرەزيدەنت بۇل مەسەلەنٸ بيىلعى جولداۋىندا ەرەكشە اتاعان بولاتىن.
«سالىق جەنە كەدەن سالاسىن تسيفرلاندىرۋ «كٶلەڭكەلٸ ەكونوميكانىڭ» كەز كەلگەن كٶرٸنٸستەرٸمەن كٷرەسۋگە ايتارلىقتاي كٶمەكتەسەدٸ. تٸپٸ «كٶلەڭكەلٸ ەكونوميكا» سىبايلاس جەمقورلىققا جول اشىپ وتىرعانى جاسىرىن ەمەس. سوندىقتان ەكونوميكالىق تەرگەۋ قىزمەتٸنٸڭ جۇمىسىن نەگٸزٸنەن «كٶلەڭكەلٸ ەكونوميكامەن» كٷرەسۋگە بەيٸمدەۋدٸ تاپسىرامىن», - دەگەن بولاتىن مەملەكەت باسشىسى.
بەرٸك ۋەلي كەلتٸرگەن دەرەك بويىنشا, جىل باسىنان بەرٸ 1508 ەكونوميكالىق قۇقىقبۇزۋشىلىق انىقتالعان. ونىڭ 803-ٸ اۋىر جەنە اسا اۋىر قىلمىستارعا جاتادى.
«36 ۇيىمداسقان قىلمىستىق توپتىڭ جولى كەسٸلدٸ. ونىڭ ٸشٸندە 27 توپ جالعان شوت-فاكتۋرا جاساۋمەن, قولما-قول اقشا الۋمەن اينالىسقان جەنە سالىقتان جالتارعان. «زاڭ بۇزۋ ىقتيمالدىعى جوعارى تۇلعالار رەەسترٸنە» قولما-قول اقشا بەرۋشٸ فيرمالارمەن ٶزارا ەسەپ ايىرىسقان 2,8 مىڭنان استام زاڭدى تۇلعا ەنگٸزٸلدٸ. 1 مىڭنان استام كومپانييانىڭ بانكتەگٸ شوتتارى بويىنشا قارجى جۇمساۋ وپەراتسييالارى ۋاقىتشا توقتاتىلدى», - دەپ جازدى پرەزيدەنتتٸڭ باسپاسٶز حاتشىسى.
ونىڭ مەلٸمەتٸ بويىنشا, قارجى پيراميدالارىنىڭ بەلگٸلەرٸن الدىن الا انىقتاۋ جۇمىستارى كٷشەيتٸلٸپ وتىر.
«وسى رەتتە جالپى مٶلشەرٸ 4,1 ملرد تەڭگە قارجى سالۋ بويىنشا 30 دەرەك انىقتالدى. سالىق جەنە كەدەندٸك باسقارۋدى ودان ەرٸ جەتٸلدٸرۋگە, قولما-قول اقشاسىز تٶلەم جاساۋدى دامىتۋعا, قولايلى بيزنەس ورتا قالىپتاستىرۋعا باعىتتالعان جاڭا كەشەندٸ جوسپار بەكٸتٸلدٸ.
سوڭعى 4 جىلدىڭ ٸشٸندە ەلٸمٸزدەگٸ «كٶلەڭكەلٸ» ەكونوميكانىڭ دەڭگەيٸ 29 پايىزدان 20 پايىزعا دەيٸن تٶمەندەدٸ», - دەپ جازدى بەرٸك ۋەلي.
