Qarjy monitoringi komiteti biylǵy 9 aida atqarǵan jumysyn qorytyndylady, dep habarlaidy "Ult aqparat".
Memleket basshysynyń ekonomikalyq tergeý qyzmetin qaita baǵyttaý jónindegi tapsyrmasyn iske asyrý sheńberinde jedel-aldyn alý sharalarynyń kesheni uiymdastyryldy.
Atap aitqanda, munai jáne munai ónimderiniń kóleńkeli ainalymyna qarsy is-qimyl maqsatynda «Barrel» jedel-aldyn alý sharasy iske asyrylýda.
Qazirgi tańda elimizdiń 5 aýmaǵynda osy saladaǵy faktiler tergeýde, olardyń «kóleńkeli» ainalymy - 25,1 mlrd teńge somasyna 140 myń tonnadan astam janar-jaǵarmai.
«Stop-igra» jedel-aldyn alý sharasy aiasynda 206 zańsyz oiyn ornynyń qyzmetine shek qoiyldy, elimizde 7 jasyryn kazino jáne 30 býkmekerlik keńse anyqtalyp, joiyldy. Zańsyz ainalymnan 2660 oiyn avtomaty, terminaldar jáne poker ústelderi tárkilenip alyndy.
Jalǵan alkogol ónimin óndirý boiynsha 25 jerasty tsehy anyqtaldy. Zańsyz ainalymnan 620 myńnan astam bótelke alkogol, 140 myń litrge jýyq spirt jáne 60 myńnan astam jalǵan esepke alý-baqylaý markasy alyndy.
ETQ jalǵan aqsha jasaý salasynda 185 qylmystyń jolyn kesip, 2000 astam kýpiýra tárkilep aldy.
Sondai-aq, Almaty jáne Qostanai qalalarynda jalǵan aqsha jasaityn 2 jasyryn tipografiia joiyldy.
