1 maýsymdaǵy jaǵdai boiynsha 5 679 etnikalyq qazaq tarihi otanymen tabysyp, qandas mártebesin aldy. Jalpy 1991 jyldan beri respýblikaǵa 1 million 93,5 myń etnikalyq qazaq oraldy, dep habarlaidy Eńbek jáne halyqty áleýmettik qorǵaý ministrliginiń baspasóz qyzmeti.
Jyl basynan beri Qazaqstanǵa kelgen qandastardyń jartysynan kóbi (68,7%) Ózbekstannan, 10,4% – Qytaidan, 8,8% – Túrikmenstannan, 2,6% – Mońǵoliiadan jáne 9,5% basqa elderden qonys aýdarǵan.
Kelgen etnikalyq qazaqtar negizinen Almaty (31,1%), Mańǵystaý (18,8%), Túrkistan (10,3%) jáne Jambyl (6,2%) oblystaryna, sondai-aq Almaty (6%), Nur-Sultan (6,9%) jáne Shymkent (7,9%) qalalaryna turaqtady.
1 maýsymdaǵy jaǵdai boiynsha eńbekke qabiletti jastaǵy etnikalyq qonys aýdarýshylar sany - 63,2%, eńbekke qabiletti jastan kishi qonys aýdarýshylar sany 22,8% jáne zeinetkerler sany - 14%.
Eńbekke qabiletti jastaǵy qandastardyń ishinen bilim deńgeii boiynsha 11,4%-y joǵary bilimdi, 40,3%-y orta kásibi bilimdi, 46,6%-y jalpy orta bilimdi jáne 1,7%-nyń bilimi joq.
