Foto: Azattyq radiosy. Shyńjańnan kelgen 20 qazaq otbasynyń bir bóligi.
Jyl basynan beri 4 502 etnikalyq qazaq tarihi otanymen tabysyp, qandas mártebesin aldy, dep habarlaidy "Ult aqparat" Eńbek jáne halyqty áleýmettik qorǵaý ministrligine silteme jasap.
Jalpy 1991 jyldan beri respýblikaǵa 1 million 92,4 myń etnikalyq qazaq oralǵan.
Osy jyly Qazaqstanǵa kelgen qandastardyń jartysynan kóbi (68,2%) – Ózbekstannan, 9,8% – Qytaidan, 10,4% – Túrikmenstannan, 2,6% – Mońǵoliiadan jáne 9,2% – basqa elderden.
Kelgen etnikalyq qazaqtar negizinen Almaty (30,3%), Mańǵystaý (20,1%), Túrkistan (10,8%) jáne Jambyl (6,0%) oblystaryna, sondai-aq Almaty (5,8%), Nur-Sultan (6,8%) jáne Shymkent (7,6%) qalalaryna qonystanǵan.
"1 mamyrdaǵy jaǵdai boiynsha eńbekke qabiletti jastaǵy etnikalyq qonys aýdarýshylar sany 63,1%-dy, eńbekke qabiletti jastan kishi 23%-dy jáne zeinetkerler 13,9%-dy quraidy.
Eńbekke qabiletti jastaǵy qandastardyń ishinen bilim deńeii boiynsha 10,9%-y – joǵary bilimdi, 40,7%-y – orta kásibi bilimdi, 46,6%-y – jalpy orta bilimdi, al 1,7%-nyń bilimi joq" - delingen ministrlik aqparatynda.
