Jyl basynan beri 412 otbasy «Eńbek» memlekettik baǵdarlamasy aiasynda ońtústikten soltústikke qonys aýdardy, dep habarlaidy "Ult aqparat" Eńbek jáne halyqty áleýmettik qorǵaý ministrligine silteme jasap.
2020 jylǵy 1 naýryzdaǵy jaǵdai boiynsha jumys kúshi kóp óńirlerden jumys kúshi tapshy óńirlerge jalpy sany 1437 adam bolatyn 412 otbasy qonys aýdardy, onyń ishinde 744 adam eńbekke qabiletti jasta . Eńbekke qabiletti otbasy músheleriniń ishinen 319 adam jańa turǵylyqty jeri boiynsha jumysqa ornalastyryldy.
Nátijeli jumyspen qamtýdy jáne jappai kásipkerlikti damytýdyń «Eńbek» memlekettik baǵdarlamasynda eńbek resýrstarynyń utqyrlyǵyn yntalandyrý úshin Úkimet aiqyndaityn óńirlerge erikti túrde qonys aýdaratyn adamdarǵa memlekettik qoldaý sharalary kózdelgen.
Qonys aýdarýshylardyń myna oblystardan ketedi: Almaty, Jambyl, Mańǵystaý, Túrkistan, Qyzylorda oblystary, sondai-aq, Almaty qalasy, Nur-Sultan jáne Shymkent qalalary. Qabyldaityn óńirler - Aqmola, Shyǵys Qazaqstan, Qaraǵandy, Qostanai, Pavlodar, Soltústik Qazaqstan oblystary.
Memlekettik baǵdarlama sheńberinde erikti qonys aýdarýǵa qatysýshylar úshin sýbsidiia túrinde memlekettik qoldaý sharalary usynylady:
- otbasy árbir múshesine 35 AEK (92 myń teńge) kóshýge birjolǵy tólem;.
- turǵyn úidi jaldaý (jalǵa alý) jáne kommýnaldyq qyzmetterdi tóleý boiynsha shyǵyndardy jabý úshin, olar otbasy músheleriniń sanyna jáne jergilikti jerine bailanysty otbasyna 12 ai ishinde ai saiyn 15-ten 30 AEK-ke deiingi mólsherde (39 myńnan 79 myń teńgege deiin) tólenedi.
Sondai-aq, biyl qonys aýdarýshylardy turǵyn úimen qamtamasyz etý tetigi jalǵastyrylatyn bolady.
Soltústik Qazaqstan oblysynda turǵyn úi qurylysy boiynsha 714 jeke obekt salynady, Pavlodar oblysynda qonys aýdarýshylardy turǵyn úimen qamtamasyz etý úshin 441 páter satyp alynady.
2020 jyly qonys aýdarýshylardy qabyldaýdyń óńirlik kvotasy 6 379 adam (1 878 otbasy) mólsherinde belgilengen.
