2021 jyldyń basynan beri 2,4 myńnan astam etnikalyq qazaq qandas mártebesin aldy, dep habarlaidy "Ult aqparat".
Eńbek jáne halyqty áleýmettik qorǵaý ministrliginiń málimetine sensek, 1 naýryzdaǵy jaǵdai boiynsha 2 407 adam tarihi otanymen tabysyp, qandas mártebesin alǵan.
Jalpy 1991 jyldan beri respýblikaǵa 1 mln 73 myńǵa jýyq etnikalyq qazaq oraldy.
Osy jyldyń basynan bastap Qazaqstanǵa kelgen qandastardyń jartysynan astamy (72,9%) Ózbekstannan, 15% – QHR-dan, 4,6% – Túrikmenstannan, 3,5% – Mońǵoliiadan jáne 4% – basqa elderden qonys aýdarǵan.
Kelgen etnikalyq qazaqtar negizinen Almaty (36,8%), Túrkistan (16,4%) jáne Mańǵystaý (10,2%) oblystaryna, sondai-aq Shymkent (12,7%) jáne Nur-Sultan (5,9%) qalalaryna qonystandy.
1 naýryzdaǵy jaǵdai boiynsha eńbekke qabiletti jastaǵy etnikalyq qonys aýdarýshylar úlesi - 58,4%, eńbekke qabiletti jastan kishi - 24,3% jáne zeinetkerler -17,3%.
