Foto: Aǵybai Aiapbergenov / Kazinform
Astana kóshelerinde kún saiyn 550-600 myń kólik qatynaidy. Premer-ministr Oljas Bektenovtiń Májilis depýtatynyń saýalyna joldaǵan jaýabynda osyndai derek aitylǵan.
— Qazirgi jaǵdai boiynsha qalanyń jol-kóshe jelisine kún saiyn shyǵatyn avtokólik sany 550-600 myńdai. Kólik aǵynynyń barynsha údemeli qozǵalysy Mágilik El, Qabanbai batyr, Turǵan dańǵyldary men Saraishyq, Qonaev kóshelerinde tirkelip otyr. Qazir kólik keptelisterin keshendi turǵyda sheshý úshin qalanyń Esil aýdany boiynsha derekter jinastyrylyp jatyr, — dep jazylǵan jaýapta.
Osy derekter negizinde kólik aǵynyn jasandy intellekt kómegimen retteitin model daiyndalmaq.
— Astana qalasynyń elektrondy kólik modeli qabyldanatyn kólik sheshimderiniń negizdiligin úlken derekterdi taldap, trafikti boljaý arqyly arttyrýǵa múmkindik beredi. Júieni ázirleý jumystaryn jyl sońyna deiin aiaqtaý josparlanǵan. Ol jumystarda Eýraziia damý bankiniń granty esebinen júrgizilip jatyr, — dep jazady Oljas Bektenov.
Al Almatyda keptelisti retteitin Jol qozǵalysyn uiymdastyrý ortalyǵy 2027 jyldyń aiaǵyna deiin iske qosylmaq.
