Serbiia astanasynda ótip jatqan bokstan álem chempionatynda qazaqstandyq Temirtas Júsipovtyń (48 keli) jeńisinen keiin janjal shyqty. Osy eldiń boks odaǵy tóreshilerdiń sheshimimen kelispeitinin málimdedi.
Álem chempionatynyń 1/8 finalynda Temirtas Júsipov serb Omer Ametovichpen kezdesken. Qyzyqty ári tartysty ótken jekpe-jekte qazaq boksshysy tóreshiler sheshimimen jeńiske jetti, dep habarlaidy Sputnik Qazaqstan agenttigi Vesti.kz portalyna silteme jasap.
Alaida Serbiianyń boks odaǵy tóreshilerdi ádiletsiz sheshim shyǵardy dep sanaidy.
"Tóreshilerdiń sheshimi bizdiń boksshymyzǵa qarsy shyǵaryldy. Sol sebepti ol jeńisinen aiyrylyp qaldy. Dál sondai urlyqtar serb boksshylary qatysqan birinshi, úshinshi jáne tórtinshi jekpe-jekterde boldy. Sol kezde tóreshiler birinshi raýndtardy qarsylastarǵa berip otyrǵan. Ol raýndtarda bizdiń boksshylarymyz taza jeńiske jetti", - deidi odaq prezidenti Slobodan Djýrich.
Onyń aitýynsha, bapkerler jekpe-jekterdiń nátijesin apelliatsiiaǵa bergen.
Aita keteiik, Temirtas Júsipov birinshi bolyp týrnirdiń shirek finalyna shyqty.
Al, Belgrad qalasyna 13 boksshymyz attanǵan edi.
Olar:
- Temirtas Júsipov (48 keli);
- Sáken Bibosynov (51 keli);
- Mahmud Sabyrhan (54 keli);
- Serik Temirjanov (57 keli);
- Samatáli Tóltaev (60 keli);
- Sanatáli Tóltaev (63,5 keli);
- Abylaihan Júsipov (67 keli);
- Aslanbek Shymbergenov (71 keli);
- Nurqanat Raiys (75 keli);
- Nurbek Oralbai (80 keli);
- Bek Nurmaǵanbet (86 keli);
- Aibek Oralbai (92 keli)
- Nurlan Saparbai (+92 keli).
Úsh boksshymyz jarys jolynan shyǵyp qaldy. 92 keli salmaq dárejesinde óner kórsetetin Aibek Oralbai Ózbekstan ókili Madiiar Saidrahimovtan utylsa, Nurlan Saparbai (+92 keli) birinshi ainalymnan asa almady. Al Bek Nurmaǵambet (86 keli) braziliialyq Keno Machadodan jeńilip qaldy.
Álem chempionatynyń syiaqy qory 2,6 mln AQSh dollaryn qurap otyr.
Altyn medal alǵandar 100 000 dollarǵa ie bolady. Kúmis medal úshin 50 000, al qolaǵa 25 000 dollar beriledi. Chempionat 24 qazan men 6 qarasha aralyǵynda ótedi.
