Belgili jazýshy, jýrnalist, «Qurmet» ordeniniń iegeri Júsipbek Qorǵasbek Memleket basshysy Qasym-Jomart Toqaevtyń málimdemesine orai pikir bildirdi, dep habarlaidy QazAqparat.
«Qazaqstan Prezidenti Qasym-Jomart Toqaev el aldyna jii shyǵyp turady. Bul óte durys. Barlyq ýaqytta solai bolýy kerek. Prezidentti kózben kórip, qulaqpen estip turǵannan jaman bolmaimyz. Adamǵa eń aldymen senim kerek. Onyń keshegi málimdemesi osy ideiaǵa qyzmet etedi. Ishte senim ornaidy. Sol keshegi málimdemeni el eleńdep kútti. «Prezident sóileidi eken» dep bir-birine aityp jatty. Elge kerek máselelerdi sala-sala ǵyp aitty. Eń bastysy - memleket tarapynan qamqorlyq bar ekenin sezindik», – deidi Júsipbek Qorǵasbek.
Sondai-aq, ol elimizde qabyldanǵan tótenshe jaǵdaiǵa bailanysty tiisti sharalardy qatań ustaný kerektigin de basa aitty.
«Qazirgi qolǵa alynǵan qatań sharalardy da qoldaimyn. Bas-aiaǵymyzdy jinap, tártipke kelip qaldyq. Koronavirýs indetinen barynsha saqtanýymyz qajet. Onyń basty emi - úiden shyqpaý. Qiyn kezde bárimiz birgemiz», – dep qorytyndylady ol.
Aita keteiik, 31 naýryz kúni Prezident Qasym-Jomart Toqaev respýblikalyq telearnalar efirinen málimdeme jasaǵan bolatyn.
.jpeg)