AQSh Kongresiniń músheleri men qyzmetkerleri úshin azamattardy áskeri qaqtyǵystar aimaqtarynan qaitarý jáne ońaltýǵa baǵyttalǵan qazaqstandyq «Jýsan» operatsiiasyna arnalǵan vebinar ótti, dep habarlaidy "Ult aqparat".
Qazaqstan Elshiligi AQSh-tyń Kongress ókilderi palatasyndaǵy Qazaqstan-AQSh Kokýsymen (dostar tobymen) birlesip, qazaqstandyqtardy soǵys aimaqtarynan qaitarý jáne olardy qoǵamǵa qaita beiimdeý tájiribesin talqylaý maqsatynda is-sharany uiymdastyrdy.
Vebinardyń negizgi spikerleri retinde Qazaqstan Syrtqy ister ministriniń orynbasary Erjan Ashyqbaev jáne Terrorizmge qarsy is-qimyl barysynda adam quqyqtaryn ilgeriletý jáne qorǵaý boiynsha BUU-nyń Arnaiy baiandamashysy Fionýalla Ni Aolain qatysty.
Elshi Erjan Qazyhanov «Jýsan» operatsiiasy Qazaqstan úshin mańyzdy tájiribe bola turyp, basqa elderge jarqyn úlgi ekenin atap ótti. Sonymen qatar, bul joba jinalǵan tájiribe men daǵdylardy damytýǵa jáne taratýǵa baǵyttalǵan Qazaqstandaǵy Úzdik tájiribeler ortalyǵy túrinde óz jalǵasyn tabatynyna senim bildirdi.
E. Ashyqbaev operatsiianyń barlyq kezeńderin egjei-tegjeili baiandap, álemniń 80-nen astam elindegi azamattardyń terroristik uiymdarǵa qatysýlary máselesine tap bolǵanyn ókinishpen atap ótti. Sondai-aq, AQSh seriktesterine operatsiiany ótkizýge qoldaý kórsetkeni úshin rizashylyǵyn bildirip, Qazaqstan óz tájiribesimen basqa eldermen bólisýge daiyn ekendigin aitty.
Sonymen qatar, E. Ashyqbaev «Jýsan» operatsiiasy eń aldymen, radikaldy ideologiianyń qurbany bolǵan áielder men balalardy qorǵaýǵa baǵyttalǵan gýmanitarlyq missiia ekendigine nazar aýdardy.
BUU-nyń arnaiy baiandamashysy óz sózinde soǵys júrip jatqan aimaqtan azamattardy elge qaitarý jáne qoǵamdyq qaita beiimdeý máselesinde Qazaqstannyń álemdik kóshbasshylyǵyna erekshe mán berip, basqa elderdi memleketimizdiń tájiribesin úlgi retinde qabyldaýǵa shaqyrdy. Osyǵan qosa, Qazaqstan Úkimetiniń yntymaqtastyqqa ashyq jáne dialog ornatýǵa daiyn ekendigin erekshe atap ótti.
