Qazaqstan BUU Adam quqyqtary jónindegi keńesiniń otyrystaryna jáne Qarýsyzdaný jónindegi konferentsiiaǵa qatysty, dep habarlaidy "Ult aqparat" Syrtqy ister ministrligine silteme jasap.
Syrtqy ister ministri Muhtar Tileýberdi bastaǵan qazaqstandyq delegatsiia Adam quqyqtary jónindegi BUU Keńesiniń joǵary deńgeidegi segmentiniń otyrystaryna jáne Qarýsyzdaný jónindegi konferentsiiaǵa qatysty.
BUU-nyń 75 jyldyǵy kezeńinde ótip jatqan adam quqyqtary jónindegi segmentke BUU Bas hatshysy Antoniý Gýterrish, BUU Bas Assambleiasynyń Tóraǵasy Tidjani Mýhammad-Bande, BUU Adam quqyqtary jónindegi Joǵarǵy komissary Mishel Bachelet, 55-ten astam eldiń memleket basshylary men ministrleri, sondai-aq halyqaralyq uiymdardyń basshylary qatysty.
Keńes otyrysynda sóz sóilegen M. Tileýberdi Prezident Qasym-Jomart Toqaev Tuńǵysh Prezident - Elbasy Nursultan Nazarbaevtyń baǵytyn jalǵastyra otyryp, adam quqyqtary salasyndaǵy ulttyq jáne halyqaralyq standarttarǵa tolyq qol jetkizýge nietti ekenin atap ótti. Ministr qatysýshylardy Memleket basshysy Joldaýynyń adam quqyqtaryn qorǵaýǵa qatysty erejelerin iske asyrý týraly habardar etip, «Halyq únine qulaq asatyn memleket» tujyrymdamasyna jáne Ulttyq qoǵamdyq senim keńesine nazar aýdardy.
