Dúniejúzilik densaýlyq saqtaý uiymynyń (DDSU) qazirgi bas direktory Tedros Adhanom Gebreiesýs aldaǵy sailaýda bas direktor laýazymyna jalǵyz kandidat atandy, dep jazdy uiymnyń saity, - dep habarlaidy Sputnik Qazaqstan.
DDSU bas direktoryn ekinshi besjyldyq merzimge taǵaiyndaý úshin atqarýshy komitet Jenevadaǵy 150-shi sessiiada Gebreiesýstyń kandidatýrasyn qaraidy. Saitta sheshim 22-28 mamyr aralyǵynda assambleiada jasyryn daýys berý arqyly qabyldanýy kerektigi kórsetilgen.
Kandidatýra 2021 jyldyń 23 qyrkúiegine deiin qabyldandy, nátijesinde Gebreiesýsty uiymǵa múshe 28 el usyndy. Olar – Avstriia, Irlandiia, Qazaqstan, Bahrein, Barbados, Daniia, Indoneziia, Horvatiia, Botsvana, Kýk araldary, Estoniia, Finliandiia, Frantsiia, Germaniia, Grekiia, Vengriia, Ispaniia, Keniia, Liýksembýrg, Malta, Niderlandy, Oman, Portýgaliia, Rýanda, Slovakiia, Shvetsiia, Tongo, Trinidad jáne Tobago.
Bas direktor – DDSU-nyń densaýlyq saqtaý salasyndaǵy halyqaralyq qyzmetin qadaǵalaityn bas ákimshilik tulǵa. Gebreiesýs 2017 jyly DDSU bas direktory boldy.
Eske sala keteiik, jeltoqsan aiynyń basynda Tedros Adhanom Gebreiesýs qazaq aqyny, aqyndar aitysyn uiymdastyrýshy Júrsin Ermannyń qudasy ekeni belgili boldy. Gebreiesýs Twitter-de aqyndy mereitoiymen qazaq tilinde quttyqtaǵan videosyn jariialady.
