دٷنيەجٷزٸلٸك دەنساۋلىق ساقتاۋ ۇيىمىنىڭ (ددسۇ) قازٸرگٸ باس ديرەكتورى تەدروس ادحانوم گەبرەيەسۋس الداعى سايلاۋدا باس ديرەكتور لاۋازىمىنا جالعىز كانديدات اتاندى, دەپ جازدى ۇيىمنىڭ سايتى, - دەپ حابارلايدى Sputnik قازاقستان.
ددسۇ باس ديرەكتورىن ەكٸنشٸ بەسجىلدىق مەرزٸمگە تاعايىنداۋ ٷشٸن اتقارۋشى كوميتەت جەنەۆاداعى 150-شٸ سەسسييادا گەبرەيەسۋستىڭ كانديداتۋراسىن قارايدى. سايتتا شەشٸم 22-28 مامىر ارالىعىندا اسسامبلەيادا جاسىرىن داۋىس بەرۋ ارقىلى قابىلدانۋى كەرەكتٸگٸ كٶرسەتٸلگەن.
كانديداتۋرا 2021 جىلدىڭ 23 قىركٷيەگٸنە دەيٸن قابىلداندى, نەتيجەسٸندە گەبرەيەسۋستى ۇيىمعا مٷشە 28 ەل ۇسىندى. ولار – اۆسترييا, يرلاندييا, قازاقستان, باحرەين, باربادوس, دانييا, يندونەزييا, حورۆاتييا, بوتسۆانا, كۋك ارالدارى, ەستونييا, فينلياندييا, فرانتسييا, گەرمانييا, گرەكييا, ۆەنگرييا, يسپانييا, كەنييا, ليۋكسەمبۋرگ, مالتا, نيدەرلاندى, ومان, پورتۋگالييا, رۋاندا, سلوۆاكييا, شۆەتسييا, تونگو, ترينيداد جەنە توباگو.
باس ديرەكتور – ددسۇ-نىڭ دەنساۋلىق ساقتاۋ سالاسىنداعى حالىقارالىق قىزمەتٸن قاداعالايتىن باس ەكٸمشٸلٸك تۇلعا. گەبرەيەسۋس 2017 جىلى ددسۇ باس ديرەكتورى بولدى.
ەسكە سالا كەتەيٸك, جەلتوقسان ايىنىڭ باسىندا تەدروس ادحانوم گەبرەيەسۋس قازاق اقىنى, اقىندار ايتىسىن ۇيىمداستىرۋشى جٷرسٸن ەرماننىڭ قۇداسى ەكەنٸ بەلگٸلٸ بولدى. گەبرەيەسۋس Twitter-دە اقىندى مەرەيتويىمەن قازاق تٸلٸندە قۇتتىقتاعان ۆيدەوسىن جارييالادى.
