Senat otyrysynda Almaty men Shymkentti megapolis dep ataǵan ulttyq ekonomika ministri Timýr Súleimenov Qasym-Jomart Toqaevtan sóz estidi, dep habarlaidy Sputnik Qazaqstan tilshisi.
Senatta QR keibir zańnamalyq aktilerine Qazaqstannyń ákimshilik-aýmaqtyq qurylysy jáne kóleńkeli ekonomikaǵa qarsy is-qimyl máseleleri boiynsha ózgerister men tolyqtyrýlar engizý týraly zań jobasy qaraldy. Suraq-jaýap barysynda ulttyq ekonomika ministri Almaty men Shymkentti megapolis dep atap, senat spikerinen eskertý aldy.
"Biz megapolis-megapolis dep jatyrmyz. Álemdik kategoriia boiynsha, megapolistiń halqy 5 million adamnan bastalýy kerek. Bir million halqy bar qala megapolis emes. Sondyqtan, ulttyq ekonomika ministrligi, "megapolis" sekildi jýrnalister sózine áýes bolmańyz", — dedi Toqaev.
Senat depýtaty Dúisenǵazy Mýsin respýblikalyq mańyzdaǵy qalalar úshin jańa zań jobasyn ázirleýdi usyndy. Sebebi bolashaqta Qaraǵandy men Aqtóbe de osyndai mártebege ie bolýy múmkin ekenin aitty.
Ulttyq ekonomika ministri kelesi jyly vedomstvo 2030 jylǵa deiingi eldiń aýmaqtyq-keńistiktik damýynyń boljamdy shemasyn tanystyratynyn málimdedi.
