سەنات وتىرىسىندا الماتى مەن شىمكەنتتٸ مەگاپوليس دەپ اتاعان ۇلتتىق ەكونوميكا مينيسترٸ تيمۋر سٷلەيمەنوۆ قاسىم-جومارت توقاەۆتان سٶز ەستٸدٸ, دەپ حابارلايدى Sputnik قازاقستان تٸلشٸسٸ.
سەناتتا قر كەيبٸر زاڭنامالىق اكتٸلەرٸنە قازاقستاننىڭ ەكٸمشٸلٸك-اۋماقتىق قۇرىلىسى جەنە كٶلەڭكەلٸ ەكونوميكاعا قارسى ٸس-قيمىل مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى زاڭ جوباسى قارالدى. سۇراق-جاۋاپ بارىسىندا ۇلتتىق ەكونوميكا مينيسترٸ الماتى مەن شىمكەنتتٸ مەگاپوليس دەپ اتاپ, سەنات سپيكەرٸنەن ەسكەرتۋ الدى.
"بٸز مەگاپوليس-مەگاپوليس دەپ جاتىرمىز. ەلەمدٸك كاتەگورييا بويىنشا, مەگاپوليستٸڭ حالقى 5 ميلليون ادامنان باستالۋى كەرەك. بٸر ميلليون حالقى بار قالا مەگاپوليس ەمەس. سوندىقتان, ۇلتتىق ەكونوميكا مينيسترلٸگٸ, "مەگاپوليس" سەكٸلدٸ جۋرناليستەر سٶزٸنە ەۋەس بولماڭىز", — دەدٸ توقاەۆ.
سەنات دەپۋتاتى دٷيسەنعازى مۋسين رەسپۋبليكالىق ماڭىزداعى قالالار ٷشٸن جاڭا زاڭ جوباسىن ەزٸرلەۋدٸ ۇسىندى. سەبەبٸ بولاشاقتا قاراعاندى مەن اقتٶبە دە وسىنداي مەرتەبەگە يە بولۋى مٷمكٸن ەكەنٸن ايتتى.
ۇلتتىق ەكونوميكا مينيسترٸ كەلەسٸ جىلى ۆەدومستۆو 2030 جىلعا دەيٸنگٸ ەلدٸڭ اۋماقتىق-كەڭٸستٸكتٸك دامۋىنىڭ بولجامدى سحەماسىن تانىستىراتىنىن مەلٸمدەدٸ.
