Foto: Egemen Qazaqstan
BAQ ókilderin is-sharalarǵa tirkeý qaǵidalaryna ózgerister engizilmek. Qaýly jobasy «Ashyq NQA» portalynda jariialandy, dep habarlaidy "Ult aqparat".
Jýrnalisterdi akkreditteýdiń jańa qaǵidalary «Mass-media týraly» Qazaqstan Respýblikasy Zańynyń 28-babynyń 1-tarmaǵyna sáikes ázirlendi.
«Akkreditteýshi uiym qyzmetiniń ereksheligin eskere otyryp, jýrnalisterdi akkreditteýdi júrgizýge ótinishterdi qabyldaý jáne qaraý tártibin, onyń ishinde merzimin de belgileidi», - delingen qaýlynyń túsindirme jazbasynda.
Akkredittelgen BAQ ókilderi kelesi sharttardy saqtaýy tiis:
– akkredittelgen memlekettik organdar men uiymdardan alynǵan aqparatty onyń atynan akkreditteýge tiisti ótinish kelip túsken buqaralyq aqparat quraldarynda ǵana jinaý jáne taratý;
– akkreditteýshi uiym júrgizetin is-sharalar reglamentiniń saqtalýy;
– asa mańyzdy memlekettik obektiler men strategiialyq obektilerdiń ótkizý jáne ishki rejimin saqtaý.
Qandai jaǵdaida akkreditteýden bas tartýy múmkin:
– buqaralyq aqparat quralynyń ónimin taratýdy ne buqaralyq aqparat quralyn shyǵarýdy toqtata turý ne toqtatý týraly zańdy kúshine engen sot sheshiminiń bolýy;
– akkreditteý tártibinde kórsetilgen qujattardy usynbaý;
– esepke qoiylǵan buqaralyq aqparat quraldarynyń tiziminde bolmaýy.
«Jýrnalisterdi akkreditteýdiń ońailatylǵan tártibi biryńǵai media platforma arqyly júzege asyrylady. Sondai-aq, media platformada qazaq jáne orys tilderinde akkreditteýdi júrgizýge ótinishterdi qabyldaýdy bastaý týraly habarlandyrý ornalastyrylady. Jýrnalisterge «Mass-media týraly» Qazaqstan Respýblikasy Zańynyń 28-babynyń 1-tarmaǵyna sáikes mass-media salasyndaǵy ýákiletti organ aiqyndaityn tártippen akkreditteý kartalary beriledi», - degen túsinikteme berilgen jobada.
Qaýly jobasy 1 tamyzǵa deiin qoǵam talqysyna usynylyp otyr.
