Almatyda tanymal jýrnalist Rozlana Taýkina qaitys boldy. Bul aqparatty jýrnalistiń jaqyn dostary, áriptesteri habarlady. Qoǵam qairatkeri, quqyq qorǵaýshy 60 jasta bolǵan.
Rozlana Taýkina 1959 jyly Oralda dúniege kelgen. Pýshkin atyndaǵy Oral pedagogikalyq institýty, Lomonosov atyndaǵy Máskeý memlekettik ýniversitetin támamdaǵan.
Ár jyldary jergilikti jáne halyqaralyq aqparat quraldarynda qyzmet atqarǵan. Qazaqstandaǵy "SolDAT", "Juma-Taims" siiaqty birqatar táýelsiz basylymdarda tilshi, "Obshestvennaia pozitsiia" basylymynyń bas redaktory bolyp istegen. Halyqaralyq "Soǵys jáne beibitshilikti baiandaý institýty", "Shekarasyz tilshiler", "Soros-Qazaqstan qory" qoǵamdyq uiymdarynda jumys istegen. "Jýrnalister qaýip-qaterde" qoryn basqarǵan.
Rozlana Taýkina 2016 jyly demokratiianyń damýy men azamattyq qoǵam qurýǵa úles qosyp júrgen azamattarǵa beriletin "Azattyq" syilyǵyna ie bolǵan.
