Foto: informburo.kz
Jýrnalist Ashat Niiazovtyń «adamnyń jynys múshesine taqiia kigizý» týraly aitqan sózi áleýmettik jelilerde keńinen talqylanyp, qoǵamnyń narazylyǵyn týdyrdy. Osyǵan bailanysty taǵy bir jýrnalist Aibar Oljaev Bas prokýratýraǵa Qylmystyq kodekstiń 174-baby («ulttyq, áleýmettik, rýlyq, násildik, tektik nemese dini arazdyqty qozdyrý») boiynsha saraptama júrgizýge ótinish bergenin aitty, dep habarlaidy Ult.kz.
Onyń aitýynsha, bul ótinish is qozǵaldy degendi bildirmeidi, tek quzyrly organ aitylǵan sózde qylmystyq quram bar-joǵyn anyqtaidy.
"Ashat Niiazovtyń adamnyń jynys múshesine taqiia kigizý týraly sózderi qazaq qoǵamynyń ashýyn týǵyzdy. Onda ult arazdyǵyn qozdyrý elementteri bar ma, joq pa, sony anyqtaý úshin Bas prokýratýraǵa Qylmystyq Kodekstiń 174 baby boiynsha ekspertiza jasaýǵa ótinish túsirdim. Bul 100% is qozǵalady degendi bildirmeidi. Quzyrly organ qylmystyq quram bar ma, joq pa sony anyqtaityn bolady. Múmkin bul jái ázil shyǵar. Biraq ázil adamdardy jaýlastyrmaýy kerek. Kerisinshe jaqyndastyrýy kerek edi. Asekeńniń tilimen aitsaq, horoshii iýmor obediniaet, a ne horoshii razediniaet", - deidi jýrnalist Aibar Oljaev óziniń feisbýk paraqshasynda.
Qazirgi tańda áleýmettik jeli qoldanýshylary oqiǵaǵa qatysty eki túrli pikir bildirýde: biri sóz erkindigi men satiranyń shekarasyn qorǵaýdy aitsa, endi biri mundai «ázildiń» ulttyq qundylyqtarǵa nuqsan keltiretinin atap ótýde.
