sýret ashyq derekkózden alyndy
Almatyda qoǵamdyq kólikke arnalǵan arnaiy jolaqpen kele jatqan júrgizýshi joldy belgilenbegen jerden kesip ótken jasóspirimdi qaǵyp ketti. Jaiaý júrginshi túrli dene jaraqatymen aýrýhanaǵa jetkizilip, keiin qaza boldy, dep habarlaidy "Ult aqparat".
Oqiǵa kýágerleri qaitys bolǵan balanyń aýyzashar ýaqytynda joldaǵy júrgizýshilerge sý men qurma taratyp júrgenin aityp jatyr.
Politsiia bolǵan jaǵdaiǵa bailanysty pikir bildirdi.
«18 sáýirde saǵat 19.30-da 1998 jyly týǵan A. esimdi azamat Toyota Camry markaly kóligimen Abai dańǵyly arqyly batys baǵytta júrip kele jatqan. Sol sátte 2007 jyly týǵan N. jaiaý júrginshilerge ruqsat etilmegen joldy kesip ótpek bolǵan. Sonyń saldarynan júrgizýshi kámelet jasqa tolmaǵan jetkinshekti qaǵyp ketti. Ártúrli dene jaraqatyn alǵan jaiaý júrginshi qaladaǵy aýrýhanalardyń birine jetkizilgenimen, artynsha qaitys boldy. Bul fakt QR Qylmystyq kodeksiniń 345-baby 3-bóligi boiynsha sotqa deiingi tergeýdiń biryńǵai tiziliminde tirkeldi. Tiisti saraptamalar taǵaiyndaldy», - dedi Almaty qalalyq PD resmi ókili Saltanat Ázirbek.
