سۋرەت اشىق دەرەككٶزدەن الىندى
الماتىدا قوعامدىق كٶلٸككە ارنالعان ارنايى جولاقپەن كەلە جاتقان جٷرگٸزۋشٸ جولدى بەلگٸلەنبەگەن جەردەن كەسٸپ ٶتكەن جاسٶسپٸرٸمدٸ قاعىپ كەتتٸ. جاياۋ جٷرگٸنشٸ تٷرلٸ دەنە جاراقاتىمەن اۋرۋحاناعا جەتكٸزٸلٸپ, كەيٸن قازا بولدى, دەپ حابارلايدى "ۇلت اقپارات".
وقيعا كۋەگەرلەرٸ قايتىس بولعان بالانىڭ اۋىزاشار ۋاقىتىندا جولداعى جٷرگٸزۋشٸلەرگە سۋ مەن قۇرما تاراتىپ جٷرگەنٸن ايتىپ جاتىر.
پوليتسييا بولعان جاعدايعا بايلانىستى پٸكٸر بٸلدٸردٸ.
«18 سەۋٸردە ساعات 19.30-دا 1998 جىلى تۋعان ا. ەسٸمدٸ ازامات Toyota Camry ماركالى كٶلٸگٸمەن اباي داڭعىلى ارقىلى باتىس باعىتتا جٷرٸپ كەلە جاتقان. سول سەتتە 2007 جىلى تۋعان ن. جاياۋ جٷرگٸنشٸلەرگە رۇقسات ەتٸلمەگەن جولدى كەسٸپ ٶتپەك بولعان. سونىڭ سالدارىنان جٷرگٸزۋشٸ كەمەلەت جاسقا تولماعان جەتكٸنشەكتٸ قاعىپ كەتتٸ. ەرتٷرلٸ دەنە جاراقاتىن العان جاياۋ جٷرگٸنشٸ قالاداعى اۋرۋحانالاردىڭ بٸرٸنە جەتكٸزٸلگەنٸمەن, ارتىنشا قايتىس بولدى. بۇل فاكت قر قىلمىستىق كودەكسٸنٸڭ 345-بابى 3-بٶلٸگٸ بويىنشا سوتقا دەيٸنگٸ تەرگەۋدٸڭ بٸرىڭعاي تٸزٸلٸمٸندە تٸركەلدٸ. تيٸستٸ ساراپتامالار تاعايىندالدى», - دەدٸ الماتى قالالىق پد رەسمي ٶكٸلٸ سالتانات ەزٸربەك.
