Qaraǵandy oblysynda joldyń jabylýyna bailanysty avtotrassaǵa shyǵýǵa tyiym salǵan politseilerge qarsylyq kórsetken júrgizýshiler jazalanýda, dep habarlaidy "Ult aqparat" Polisia.kz saityna silteme jasap.
Oqiǵa Qaraǵandy oblysynda «Nur-Sultan-Temirtaý» tasjolynda bolǵan.
«Munda aýa raiynyń qolaisyzdyǵy men jańbyrdan keiingi kóktaiǵaqqa bailanysty «QazAvtoJol» UK»AQ 26 aqpanda saǵat 20:45-ten bastap barlyq kólik túrleriniń qozǵalysyna ýaqytsha shekteý qoiǵan edi. Alaida, belgilengen shekteýler men tyiymdarǵa qaramastan, birqatar júrgizýshi densaýlyǵy men jolaýshylardyń ómirin qaterge tige otyryp, saparyn jalǵastyrýǵa tyrysty. Politsiia jabyq turǵan tasjolǵa shyǵýdyń aldyn alý úshin sharalar qabyldady», - delingen habarlamada.
Politsiia qyzmetkerleriniń zańdy talaptaryna baǵynbaǵany úshin eki «Gazel» jáne «Hyundai» jeńil avtokólikteriniń júrgizýshileri jaýapqa tartylyp jatyr. Júrgizýshilerdiń birine sondai-aq, politsiia qyzmetkerin kóligimen qasaqana basýǵa tyrysý aiyby taǵylmaq.
«Oqiǵanyń basqa qatysýshylary anyqtaldy jáne olar qoldanystaǵy zańnamaǵa sáikes jaýapqa tartylatyn bolady. 28 aqpanda saǵat 13:00-de jol qozǵalysyna shekteý alynyp tastaldy. Qazirgi ýaqytta jol ashyq», - dedi IIM-nen.
