قاراعاندى وبلىسىندا جولدىڭ جابىلۋىنا بايلانىستى اۆتوتراسساعا شىعۋعا تىيىم سالعان پوليتسەيلەرگە قارسىلىق كٶرسەتكەن جٷرگٸزۋشٸلەر جازالانۋدا, دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
وقيعا قاراعاندى وبلىسىندا «نۇر-سۇلتان-تەمٸرتاۋ» تاسجولىندا بولعان.
«مۇندا اۋا رايىنىڭ قولايسىزدىعى مەن جاڭبىردان كەيٸنگٸ كٶكتايعاققا بايلانىستى «قازاۆتوجول» ۇك»اق 26 اقپاندا ساعات 20:45-تەن باستاپ بارلىق كٶلٸك تٷرلەرٸنٸڭ قوزعالىسىنا ۋاقىتشا شەكتەۋ قويعان ەدٸ. الايدا, بەلگٸلەنگەن شەكتەۋلەر مەن تىيىمدارعا قاراماستان, بٸرقاتار جٷرگٸزۋشٸ دەنساۋلىعى مەن جولاۋشىلاردىڭ ٶمٸرٸن قاتەرگە تٸگە وتىرىپ, ساپارىن جالعاستىرۋعا تىرىستى. پوليتسييا جابىق تۇرعان تاسجولعا شىعۋدىڭ الدىن الۋ ٷشٸن شارالار قابىلدادى», - دەلٸنگەن حابارلامادا.
پوليتسييا قىزمەتكەرلەرٸنٸڭ زاڭدى تالاپتارىنا باعىنباعانى ٷشٸن ەكٸ «گازەل» جەنە «Hyundai» جەڭٸل اۆتوكٶلٸكتەرٸنٸڭ جٷرگٸزۋشٸلەرٸ جاۋاپقا تارتىلىپ جاتىر. جٷرگٸزۋشٸلەردٸڭ بٸرٸنە سونداي-اق, پوليتسييا قىزمەتكەرٸن كٶلٸگٸمەن قاساقانا باسۋعا تىرىسۋ ايىبى تاعىلماق.
«وقيعانىڭ باسقا قاتىسۋشىلارى انىقتالدى جەنە ولار قولدانىستاعى زاڭناماعا سەيكەس جاۋاپقا تارتىلاتىن بولادى. 28 اقپاندا ساعات 13:00-دە جول قوزعالىسىنا شەكتەۋ الىنىپ تاستالدى. قازٸرگٸ ۋاقىتتا جول اشىق», - دەدٸ ٸٸم-نەن.
