Foto: ashyq derekkóz
Qarjylyq monitoring agenttiginiń Shymkent qalasy boiynsha departamenti prokýratýranyń úilestirýimen júrgizýshi kýálikterin júieli túrde zańsyz berýmen ainalysqan uiymdasqan qylmystyq toptyń áreketin toqtatty, dep habarlaidy Ult.kz.
Tergeý barysynda 2023–2024 jyldar aralyǵynda «Azamattarǵa arnalǵan úkimet» memlekettik korporatsiiasynyń №2 mamandandyrylǵan halyqqa qyzmet kórsetý ortalyǵynyń basshylyǵy J.R. Mýrashimov pen birge birqatar laýazymdy tulǵalar júrgizýshi kýálikterin alý rásimin teoriialyq jáne praktikalyq emtihandardan ótpei zańsyz alý shemasyn uiymdastyrǵany anyqtaldy.
Atalǵan «qyzmet» úshin azamattardan 150 myńnan 400 myń teńgege deiin aqsha alynǵan. Nátijesinde 500-den astam adam zańsyz jolmen júrgizýshi kýáligin alǵan.
Qazirgi tańda tergeý aiasynda 200 mln teńgeden astam somaǵa baǵalanǵan kúdiktilerdiń múlkine - 2 jeke úi, 2 páter, 2 jer telimi jáne 10 avtokólikke tárkileý maqsatynda tyiym salyndy.
"Sottyń sanktsiiasymen 12 kúdiktige qatysty qamaýǵa alý túrindegi bultartpaý sharasy qoldanyldy. Qylmystyq is boiynsha sotqa deiingi tergeý jalǵasýda", - deidi QMA ókilderi.
