QR Ishki ister ministrligi men QR Tsifrlyq damý, innovatsiialar jáne aeroǵarysh ónerkásibi ministrligi «Ártúrli sanattaǵy kólik quraldaryn basqarý quqyǵyna júrgizýshi kýáligin alýǵa teoriialyq jáne praktikalyq emtihandardy qabyldaýdy ońtailandyrý» pilottyq jobasyn iske qosý týraly birlesken buiryq shyǵardy, dep habarlaidy QazAqparat.
«2021 jylǵy 1 qazannan bastap 2022 jylǵy 30 qyrkúiekke deiingi kezeńde «Ártúrli sanattaǵy kólik quraldaryn basqarý quqyǵyna júrgizýshi kýáligin alýǵa teoriialyq jáne praktikalyq emtihandar qabyldaýdy ońtailandyrý» pilottyq jobasy ótkizilsin», - dep jazylǵan birlesken buiryq jobasynda.
Jańa qujat boiynsha emtihan tapsyrý tártibi mynadai:
-Teoriialyq emtihan tapsyrmaǵan júrgizýshi praktikalyq emtihanǵa jiberilmeidi. Teoriialyq emtihan da praktikalyq emtihan da qaitadan taǵaiyndalý úshin aldyńǵy emtihan ótkizilgen kúnnen bir jumys kúni ótýi kerek.
- Teoriialyq emtihan operatordyń qatysýymen «Azamattarǵa arnalǵan úkimet «memlekettik korporatsiiasy» KEAQ aiqyndaityn tártippen ótkiziledi. Operator emtihan tapsyrýshylardyń belgilengen talaptardy saqtaýyn baqylaýy tiis.
-Teoriialyq emtihandy tapsyrý úshin emtihan kúninen keminde bir kún buryn (jumys kúni) «elektrondyq úkimet» portaly arqyly, portaldyń integratsiialyq servisteri arqyly nemese Memlekettik korporatsiiaǵa júginý arqyly ótinish bere alady.
- Memlekettik korporatsiiaǵa júgingen kezde emtihan tapsyrýshy jeke basyn kýálandyratyn qujatty nemese tsifrlyq qujattar servisinen elektrondyq qujatty usynady.
- Operator jeke basty kýálandyratyn qujatty ne elektrondyq qujatty memlekettik aqparattyq júielerdegi málimettermen salystyryp tekseredi.
- «Emtihan tapsyrýshynyń» jeke kabinetinde» ne portaldyń tiisti integratsiialyq servisinde memlekettik qyzmet kórsetý úshin ótinimniń qabyldanǵany týraly mártebe kórsetiledi.
- Emtihan alýshy praktikalyq emtihan tapsyrý úshin teoriialyq testileý kúninen keminde bir kún (jumys kúni) buryn emtihan tapsyrý ornyn, kúni men ýaqytyn ózi tańdaidy.
-Testileýge ózimen birge jeke basyn kýálandyratyn qujaty ne elektrondyq qujaty bar júrgizýshilikke úmitker jiberiledi. Emtihan alýshynyń jeke basyn sáikestendirý emtihan alýshynyń biometriialyq derekterin memlekettik aqparattyq júielerdegi málimettermen salystyrý arqyly júrgiziledi.
- Testileý bastalǵanǵa deiin operator emtihan alýshy úshin nusqama ótkizedi jáne týyndaǵan suraqtarǵa jaýap beredi.
- Eger emtihan alýshy teoriialyq emtihan tapsyrar aldynda ózin nashar sezinse, operatorǵa habarlaýy tiis. Bul jaǵdaida mundai emtihan alýshydan emtihan qabyldaý osy kúngi basqa ýaqytta nemese kestege sáikes basqa kúni júrgiziledi.
-Emtihan testinde 40 suraq bar. Ár suraqqa birneshe jaýap beriledi, solardyń ishinen durysyn tańdaýy kerek. Emtihan alýshynyń qalaýy boiynsha teoriialyq emtihandy qazaq, orys nemese aǵylshyn tilderinde tapsyrýǵa jol beriledi.
-Emtihan tapsyrýshynyń basqa kandidattarmen sóilesýge, materialdarmen almasýǵa, qaǵaz, elektrondy jáne basqa aqparat quraldarynda aqparatty paidalanýǵa, bólmeden shyǵýǵa bolmaidy.
- Emtihan alýshylardyń uialy telefondar men ózge de elektrondyq jabdyqtardy alyp kirýine jáne kirgizýine jol berilmeidi. Mundai qurylǵylar teoriialyq emtihandy qabyldaý kezinde uiashyqtary bar arnaiy shkaftarda saqtalady. Teoriialyq emtihan sáti baqylaý kamerasyna jazylady.
-Bul talaptar buzylsa, operator emtihan tapsyrý protsesin toqtatyp, emtihan qabyldaý jáne júrgizýshi kýálikterin berý erejelerin buzý týraly akt jasaidy.
-Emtihan alýshynyń biometriialyq derekterin memlekettik aqparattyq júielerdegi málimettermen salystyrý nátijeleri boiynsha sáikessizdik anyqtalsa, bul adam emtihanǵa jiberilmeidi. Al operator emtihan tapsyrýshynyń jeke basyn sáikestendirýden ótpegeni týraly aktini memlekettik korporatsiia anyqtaityn nysanda jasaidy.
-Emtihanǵa bólingen ýaqyt ótkennen keiin teoriialyq emtihandy tapsyrý avtomatty túrde toqtatylady.
-Durys jaýaptardy esepteý kompiýterlik testileý baǵdarlamasynyń kómegimen avtomatty túrde júzege asyrylady. Emtihan aiaqtalǵannan keiin emtihan alýshy kompiýter ekranynda kórsetilgen teoriialyq emtihandy tapsyrý nátijelerimen tanysady.
-Teoriialyq emtihandy tapsyrý nátijeleri týraly derekter emtihan alýshynyń portaldaǵy jeke kabinetine, sondai-aq portaldyń tiisti aqparattyq júieleri men integratsiialyq servisterine beriledi. Teoriialyq emtihandy tapsyrý nátijeleri ony tapsyrǵan kúnnen bastap bir jyl boiy jaramdy.
-«A», «V» sanattaryndaǵy, «A1», «V1» kishi sanatyndaǵy kólik quraldaryn basqarý quqyǵyn alýǵa óz betinshe daiarlyqtan ótken júrgizýshilikke úmitkerler teoriialyq emtihan tapsyrý kezinde praktikalyq emtihan tapsyrý kezinde úsh ret teris baǵa alsa, alty aidan keiin ǵana qaita tapsyra alady. Praktikalyq emtihan tapsyrý kezinde úsh ret teris baǵa alǵan jaǵdaida teoriialyq emtihan nátijeleri avtomatty túrde joiylady.
Qujat jobasy 22 qyrkúiekke deiin «Ashyq NQA» saitynda talqylanady.
