Belgili akter Azamat Satybaldy Temirbek Júrgenov atyndaǵy qazaq ulttyq óner akademiiasynyń rektory bolyp taǵaiyndaldy. Bul týraly Mádeniet jáne sport ministri Dáýren Abaev Facebook paraqshasynda habarlady.
"Resmi túrde kelisý rásimderiniń barlyǵy támamdalǵan soń Azamat Satybaldynyń T.Júrgenov atyndaǵy qazaq ulttyq óner akademiiasynyń rektory bolyp taǵaiyndalǵanyn habarlaimyn. Otandyq mádeniettegi orny bólek oqý ordasyn basqarýda abyroi men sáttilik tileimin!", - dep jazdy ministr.
Byltyr maýsym aiynan bastap akademiia rektory mindetin Ǵalym Sháripbek atqardy.
44 jastaǵy Azamat Satybaldy - Qazaqstannyń eńbek sińirgen qairatkeri, drama teatr, kino akteri, prodiýser.
2001 jyly T. Júrgenov atyndaǵy óner akademiiasyn támamdaǵan. Sol jyldan bastap M. Áýezov atyndaǵy Qazaq memlekettik akademiialyq drama teatrynda jumys istedi.
2018 jyldyń 27 jeltoqsanynan 2022 jyldyń 12 aqpanyna deiin Ǵ.Músirepov atyndaǵy Qazaq memlekettik akademiialyq balalar men jasóspirimder teatrynyń direktory boldy.
2017 jyly "Cinema 28" kinostýdiiasyn jáne "28 Theatre" atty jeke teatryn ashty.
Azamat Satybaldy teledidarda da jumys istep, kontsertter men shoý-baǵdarlamalardy júrgizgen.
