Nur-Sultan Almaty jáne Shymkent qalalarynda jumys istep júrgen jastarǵa satyp alý quqyǵynsyz baspanany jalǵa berý 2025 jylǵa deiin uzartylady.
Bul týraly QR Aqparat jáne qoǵamdyq damý ministrliginiń Jastar jáne otbasy isteri komitetiniń tóraǵasy Shahmardan Baimanov aitty, dep habarlaidy QazAqparat.
Onyń aitýynsha, jýyqta ǵana Government for zhastar ǵylymi-zertteý ortalyǵynyń janynan jastardyń máselelerimen ainalysatyn alań qurylǵan. Osy alańda qazaqstandyq jastardyń baspana máselesin talqylaýǵa arnalǵan shara josparlanyp otyr.
«Nur-Sultan, Almaty, Shymkent qalalarynda jumys istep júrgen jastarǵa arendalyq baspana beriletinin bilesizder. Bul baǵdarlama 2021 jylǵa deiin josparlanǵan. Atalǵan óńirlerde bul baǵdarlamany 2025 jylǵa deiin uzartý týraly sheshim qabyldandy», - dedi ol Prezident Joldaýyn talqylaýǵa arnalǵan analitikalyq diskýrs barysynda.
Onyń sózine qaraǵanda, ózge óńirlerde de osyǵan uqsas baǵdarlamany iske qosý josparlanyp otyr.
«2022 jyldan bastap ózge óńirlerde de osyǵan uqsas baǵdarlamalar iske qosylady. Qazirdiń ózinde 3-4 óńir niet bildirip otyr», - dedi Shahmardan Baimanov.
