Qazaqstan Respýblikasy Eńbek jáne halyqty áleýmettik qorǵaý ministrligi egov.kz elektrondyq úkimet portaly arqyly jumyssyz retinde tirkeý týraly anyqtama berý qyzmetin engizdi, – dep habarlaidy vedomstvonyń baspasóz qyzmeti.
Buryn jumyssyz retinde tirkeý týraly anyqtamany alý úshin halyqty jumyspen qamtý ortalyǵyna mindetti túrde jeke ótinish berý qajet bolǵan. Bul rette anyqtama bir kún ishinde qaǵaz túrinde berildi. Endi anyqtamany egov.kz-te onlain tapsyrys berý arqyly lezde alýǵa bolady.
«Biz áleýmettik-eńbek salasyndaǵy memlekettik qyzmetterdi taldaǵan kezde, barlyq múmkin anyqtamalardy elektrondyq formatqa aýdaratyn bolamyz, sebebi qandai da bir instantsiiada anyqtama berý boiynsha qyzmet kórsetýdiń ózi asa qiyn protsess emes. Olardy alý úshin azamattarǵa, mysaly, jumyspen qamtý ortalyǵyna barýǵa týra keldi. Endi tsifrlandyrý arqasynda jeke baryp ótinish berýdiń qajeti joq. Mundai formattyń negizgi artyqshylyǵy – bul anyqtamany kez-kelgen jerden alýǵa bolady, eń bastysy internetke qoljetimdilik bolý kerek. Bolashaqta memlekettik organdar bazasynda aqparat bar bolsa, anyqtama alýdan bas tartqymyz keledi», – deidi QR Eńbek jáne halyqty áleýmettik qorǵaý vitse-ministri Nariman Muqyshev.
Elektrondyq úkimet portalynda anyqtama alý úshin basty bette «Qyzmetter» batyrmasyn basyp, ári qarai «jumysqa ornalastyrý jáne jumyspen qamtý» bólimine ótý kerek. Qyzmetti tańdaý arqyly avtorizatsiialaný, ótinimdi toltyrý, ony elektrondyq tsifrlyq qoltańbamen nemese sms-parolmen kýálandyrý qajet (mobildi azamattar bazasynda tirkelý qajet). Jumyssyz retinde tirkelý týraly anyqtama birden jeke kabinette «Qyzmetterdi alý tarihy» bóliminde paida bolady.
