Almaty TV
Almaty TV telearnasynda Jumysshy mamandyqtary jylyna orai «Shahar shyraiy» jobasy jaryq kórdi. Baǵdarlama keiipkerleri – ár túrli salada ter tógip júrgen qarapaiym almatylyqtar. Iaǵni, kommýnaldyq qyzmetker, qurylysshy, feldsher siiaqty mańyzdy mamandyq ieleri qiyndyǵy da, qyzyǵy da mol mamandyqtarynyń mańyzy jaily baiandap bermek, dep habarlaidy Ult.kz Almaty TV-ǵa silteme jasap.
Jobanyń túpki túiini – adal eńbek etip júrgen jumysshylardyń kásibiligi men eńbekqorlyǵyn ózgelerge úlgi etip, qalyń kópshilikke qalamyzdyń, elimizdiń damýyna súbeli úles qosyp júrgen mamandardy tanystyrý.
Jańa shyǵarylym keiipkeri – almatylyq dánekerleýshi Qadyrbek Ijanov.
«Almaty – jastar qalasy. Munda jumys istegisi kelgenderge, iaǵni kez kelgen mamandyq iesine beriletin múmkindik te kóp. Aramyzda men siiaqty dánekerleý isin meńgergen jigitter az emes. Bul - asqan sheberlik pen tózimdi talap etetin jumys. Ózim qaladaǵy kóptegen qurylys nysanynda eńbek ettim. Kóz tartar ásem ǵimarat kórsem, ortaq iske óz úlesimdi qosqanyma qýanyp qalamyn. Men óz jumysymdy jaqsy kóremin», - deidi ol.
«Shahar shyraiy» jobasynyń alǵashqy shyǵarylymynyń birinde jas maman Dastan Jaqiiany kórsetken bolatynbyz. Ol 8 jyldan beri «Almaty Tazalyq» kommýnaldyq kásipornynda mehanizator bolyp jumys isteidi.
«Maǵan óz jumysym unaidy. Segiz jyldan beri jumys istep, bala-shaǵamdy, otbasymdy asyrap kelemin. Ata-anam adal eńbekpen ǵana jetistikke jetýge bolady dep úiretti. Tehnikany igerý ikemdilikti, jaýapkershilikti talap etedi. Súiikti arý qala Almatymyzdyń órkendeýine, qanat jaiyp, kórkeiýine úles qosyp júrgenime rizamyn», - deidi ol.
Atap óterligi, Almaty TV arnasynda osy aptada «Made in Almaty», «Almaty kósheleri», «Ekonomika jańalyǵy» jáne «Qala tynysy» syndy birqatar jańa baǵdarlama men jańalyqtar aidarlary efirge jol tartty. Sonymen qatar aldaǵy ýaqytta «Almaty aýdandary» jáne «Keri bailanys» jobalaryn shyǵarý josparda bar.
