Almaty oblysynda Jumyspen qamtýdyń jol kartasy aiasynda 1 240 joba iske asyrylyp, olarda 27,3 myń jumys orny qurylady.
Oblys ákiminiń baspasóz qyzmeti habarlaǵandai, «Jumyspen qamtý jol kartasy» sheńberinde júzege asyrylatyn jobalar tizimine mynadai nysandardyń qaita jańǵyrtylýy men jóndeý jumystary kirgen:
- áleýmettik-mádeni nysandar, bunda 31,8 mlrd. teńgeniń 491 jobasy qarastyrylǵan. Onyń ishinde bilim salasynda 21,1 mlrd. teńgege 440 joba iriktelip alynǵan; 38 mektepte kúrdeli jóndeý, 399 mektepte aǵymdaǵy jóndeý júrgiziledi, sol qatarda 351 mekteptiń ishki dárethanasyna qatysty máseleler sheshiledi (1,0 mlrd. teńge).
– turǵyn úi-kommýnaldyq sharýashylyǵy, bul qatarda 20,0 mlrd. teńgelik 79 joba bar. Sonyń 12,5 mlrd. teńgelik 60 jobasy aýyz sý sapasyn jaqsartý maqsatynda júzege asyrylady.
– injenerlik-kóliktik infraqurylymdar, munda 34,2 mlrd. teńgeniń 547 jobasy bar. Sonyń 4,1 mlrd. teńgelik 19 jobasy aýlalardy abattandyrý boiynsha, 6,4 mlrd. teńgelik 38 jobasy saiabaqtar men skverlerdi abattandyrý boiynsha, al 6,6 mlrd. teńgelik 59 jobada kóshelerdi jaryqtandyrý men kógaldandyrý boiynsha jumystar atqarylady.
– eldi mekenderdi abattandyrý, atap aitqanda 17,0 mlrd. teńgege 116 joba. Sonyń ishinde aýdandardyń avtokólik joldarynyń kóliktik infraqurylymyn damytýǵa quny 34,2 mlrd. teńge bolatyn 547 joba kózdelgen. Onyń 6,7 mlrd. teńgelik 17 jobasy kúrdeli jóndeý, 23,1 mlrd. teńgelik 316 joba ortasha jóndeý, 4,4 mlrd. teńgelik 214 joba aǵymdaǵy jóndeý boiynsha.
Sonymen birge 73,0 myń gektar sýarmaly jerdi ainalymǵa qosý úshin Aqsý, Panfilov, Uiǵyr aýdandary men Taldyqorǵan qalasyndaǵy sýarý jelilerin jáne Qaratal, Kóksý, Ósek ózenderindegi plotinalardy qaita jańǵyrtý jumystaryna 6,2 mlrd. teńge qarastyryldy.
Almaty oblysynda Jumyspen qamtýdyń jol kartasyn júzege asyrýǵa respýblikalyq biýdjetten 109,2 mlrd. teńge bólingenin atap ótý kerek.
