- «100 naqty qadam» Ult josparyn qabyldaýǵa orai engizilgen ózgeristerge sáikes jumyspen qamtý jáne áleýmettik baǵdarlamalardy úilestirýdi basqarý jumystary men «Jumyspen qamtý-2020» jol kartasyna ózgertýler endi. Bul jaiynda ShQO Óńirlik kommýnikatsiialar qyzmetindegi baspasóz máslihatynda óńirlik jumyspen qamtýdy úilestirý jáne áleýmettik baǵdarlamalar basqarmasynyń jetekshisi Elena Starenkova málim etti.
Onyń atap ótýinshe, vedomstvo jumysy Ult josparymen úilestirilgen.
«Búginde biz baǵdarlamanyń ózektendirilgen erejesimen jumys isteýdemiz. Oǵan sáikes, halyqty ónimdi eńbekpen qamtamasyz etýdiń shynaiy tetigi olardyń ál-aýqatyn arttyrýmen qatar jumyssyzdyqty tómendetý bolyp otyrǵany belgili. Atalǵan jospar júzege asyrylǵan sátten ShQO-nyń barlyq qalalary men aýdandarynda oń nátije berdi», - dedi ol.
Osy oraida ol «Jumyspen qamtý - 2020» jol kartasy baǵdarlamasynyń tiimdilik kórsetkishteriniń biri óńir turǵyndarynyń jumyspen qamtylýy bolyp otyrǵandyǵyn basa aitty. Atalǵan baǵdarlamaǵa qatysqan 8469 shyǵysqazaqstandyqtyń jumys ornymen qamtamasyz etilgendigin eske saldy.
Aita keterligi, aǵymdaǵy jyly atalǵan baǵdarlamany júzege asyrý úshin óńirde respýblikalyq biýdjetten 9 194,3 mln. teńge bólingen. 8361 adam baǵdarlamamen qamtylsa, onyń ishinde 3686 adam jumyssyz, 3700 adam ózin-ózi jumyspen qamtamasyz etken edi.
Aita keterligi, baǵdarlama aiasynda óńirdegi eńbek naryǵynda oń nátije qalyptasyp otyr. 2010 jyldaǵy 5,7 paiyzdyq kórsetkishpen salystyrǵanda 2016 jyldyń 2 toqsanynda jumyssyzdyq 5 paiyzǵa deiin tómendedi. Halyqtyń ózin-ózi jumyspen qamtamasyz etken bóligi 21,8 paiyzǵa tómendep, az qamtylǵan adamdardyń sany 19,7 myńdy qurady.
QazAqparat
