Qazirgi kezde Úkimettiń basty maqsaty - halyqtyń jumyspen qamtylýyn saqtaý. Bul týraly búgin Úkimet otyrysynda QR Premer-Ministri Asqar Mamin aitty, dep habarlaidy QazAqparat.
«Qazirgi kezde Úkimettiń basty maqsaty halyqtyń jumyspen qamtylýyn saqtaý bolyp sanalady. «Jumyspen qamtý» jol kartasy aiasynda 6,5 myńnan asa infraqurylymdyq joba kózdelgen. Olar áleýmettik nysandarda injenerlik-kólik infraqurylymyn, turǵyn úi-kommýnaldyq nysandaryn jóndeý men salýǵa, eldi mekenderdi abattandyrýǵa, sýarý jáne irregatsiialyq júielerge qatysty. Osynyń arqasynda 255 myń jumys orny qurylady. Jumyspen qamtý jáne halyqtyń ekonomikalyq belsendiligin saqtaýmen qatar infraqurylymdy jaqsartý el ekonomikasyn qalpyna keltirýde jaqsy nátije beredi» - dedi Premer-Ministr.
Úkimet basshysy Shyǵys Qazaqstan, Almaty, Jambyl, Qaraǵandy, Túrkistan jáne Pavlodar oblystarynda qazirdiń ózinde jobalardy iske qosýdy bastaý qarqyny óte jaqsy ekenin atap ótti. Sonymen qatar Qyzylorda oblysy, Almaty jáne Shymkent qalalary artta qalyp kele jatqanyn eskertti.
«Osy rette jumysty kúsheitý kerek. Jalpy, barlyq memlekettik baǵdarlamalardy iske asyrý aiasynda 1 mln 220 myńnan astam adamdy jumyspen qamtýdy josparlap otyrmyz. Onyń ishinde 235 myń turaqty jumys orny qurylady», - dedi Asqar Mamin.
