Qala turǵyndary «Jastar tájiribesi», «Qoǵamdyq jumystar» jáne «Áleýmettik jumys orny» baǵdarlamalaryna qatysa alady. Budan bylai azamattardyń qaýipsizdigin qamtamasyz etý jáne tikelei bailanysty boldyrmaý maqsatynda elordanyń jumyspen qamtý ortalyǵynyń barlyq qyzmetteri onlain rejimde kórsetiledi, dep habarlaidy elorda ákimdiginiń resmi saity.
«Nur-Sultan qalasy ákimdiginiń halyqty jumyspen qamtý ortalyǵy jumys izdegen jáne jumyssyz mártebesi bar azamattarǵa jumyspen qamtýǵa járdemdesýdiń belsendi sharalaryna qatysýdy usynady. Baǵdarlamalar boiynsha bos oryndar tizimi ortalyqtyń http://cz.astana.kz/category/upolnomochennye-po-jetike/ resmi saitynda qoljetimdi», – delingen habarlamada.
Qoǵamdyq jumystar – qyzmetkerdiń aldyn ala kásiptik daiarlaýdan ótýin talap etpeitin, jumyspen qamtý ortalyǵy uiymdastyratyn eńbek qyzmetiniń túrleri. Uzaqtyǵy — 2020 jyldyń 31 jeltoqsanyna deiin. Eńbekaqysy 73 100 teńgeni quraidy. Jumysqa ornalasý úshin 57-89-35, 8-775-654-07-90 telefon nómirlerine, nazym_13.06.92@mail.ru elektrondy poshtasyna habarlasý qajet.
Jastar praktikasy TjKB jáne joǵary oqý oryndary túlekteriniń mamandyq boiynsha bastapqy jumys tájiribesin alýyna arnalǵan. Jumys izdeýshiniń jasy 29-dan aspaýy tiis. Praktika uzaqtyǵy 6 aidan aspaidy. Eńbekaqysy 73 484 teńgeni quraidy. Jumysqa ornalasý úshin myna telefondarǵa habarlasýǵa bolady: 72-93-56, 8-775-654-07-90; elektrondy poshta: proftest.cz@mail.ru .
Áleýmettik jumys orny – jumys berýshi jumyspen qamtý ortalyǵymen sharttyq negizde jumyssyzdardyń jalaqysyn sýbsidiialai otyryp, jumysqa ornalastyrý úshin quratyn jumys orny. Jumys uzaqtyǵy – 2020 jylǵy 31 jeltoqsanǵa deiin. Jalaqyny jumys berýshi belgileidi. Jumysqa ornalasý úshin myna telefondarǵa habarlasýǵa bolady: 72-93-56, 8-775-654-07-90; elektrondy poshta: proftest.cz@mail.ru.
Azamattardyń qaýipsizdigin qamtamasyz etý jáne tikelei bailanysty boldyrmaý maqsatynda elordanyń jumyspen qamtý ortalyǵynyń barlyq qyzmetteri eGov portaly, call-ortalyq, elektrondy poshta jáne bailanys qurylǵylary arqyly onlain rejimde kórsetiledi. Karantin kezeńinde azamattarǵa onlain-keńes berý úshin call-ortalyq operatorlarynyń sany artty. Nómirler www.cz.astana.kz resmi saitynyń «Onlain-keńes berý» bóliminde qoljetimdi.
